ភ្នំពេញ ៖ នៅថ្ងៃទី១០ ខែឧសភា ឆ្នាំ២០២១ គឺជាថ្ងៃចុងក្រោយនៃការចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត សម្រាប់ការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ នៃខេត្តកំពត គឺមានគណបក្សនយោបាយចំនួន ០៤ បានដាក់ពាក្យសុំចុះបញ្ជីចូលរួមប្រកួតប្រជែង ការបោះឆ្នោតជ្រើសរើសក្រុមប្រឹក្សាក្រុងបូកគោ ដែលនឹងប្រព្រឹត្តទៅនៅថ្ងៃទី២៥ ខែកក្កដា ឆ្នាំ២០២១។ នេះបើយោងតាមសេចក្តីប្រកាសព័ត៌មាន របស់គណៈកម្មាធិការជាតិរៀបចំការបោះឆ្នោត (គ.ជ.ប) នៅល្ងាចថ្ងៃទី១០ ខែឧសភា ឆ្នាំ២០២១។
![](https://cen-news.com/wp-content/uploads/2021/05/photo_2021-05-10_18-21-36.jpg)
គណៈកម្មាធិការជាតិរៀបចការបោះឆ្នោតបានបន្តថា គណបក្សនយោបាយ ចំនួន ៤ ដែលបានដាក់ពាក្យសុំចូលរួមប្រកួតប្រជែងការបោះឆ្នោតជ្រើសរើសក្រុមប្រឹក្សាក្រុងបូកគោ ដែលនឹងប្រព្រឹត្តទៅនៅថ្ងៃទី២៥ ខែកក្កដា ឆ្នាំ២០២១ មានដូចជាៈ
១. គណបក្ស ប្រជាជនកម្ពុជា បានដាក់បេក្ខជនពេញសិទ្ធិចំនួន ១៣រូប និងបេក្ខជនបម្រុងចំនួន ១៥នាក់ សរុនចំនួន ២៨នាក់។
២. គណបក្ស សញ្ជាតិកម្ពុជា បានដាក់បេក្ខជនពេញសិទ្ធិចំនួន ១៣រូប និងបេក្ខជនបម្រុងចំនួន ១៥នាក់ សរុនចំនួន ២៨នាក់។
![](https://cen-news.com/wp-content/uploads/2021/05/photo_2021-05-10_18-21-42.jpg)
៣. គណបក្ស គណបក្សយុវជនកម្ពុជា បានដាក់បេក្ខជនពេញសិទ្ធិចំនួន ១៣រូប និងបេក្ខជនបម្រុងចំនួន ១៣នាក់ សរុនចំនួន ២៦នាក់។
៤. គណបក្ស ហ៊្វុនស៊ិនប៉ិច បានដាក់បេក្ខជនពេញសិទ្ធិចំនួន ១៣រូប និងបេក្ខជនបម្រុងចំនួន ១៣នាក់ សរុនចំនួន ២៦នាក់។
![](https://cen-news.com/wp-content/uploads/2021/05/photo_2021-05-10_18-22-08.jpg)
គណៈកម្មាធិការជាតិរៀបចការបោះឆ្នោតបានបញ្ជាក់ថា នៅថ្ងៃទី១០ ខែឧសភា ឆ្នាំ២០២១ នេះដែរ គណៈកម្មការរៀបចំការបោះឆ្នោតខេត្តកំពត បានសម្រេចទទួលស្គាល់ជាផ្លូវការចំពោះការចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត សម្រាប់ការបោះឆ្នោតជ្រើសរើសក្រុមប្រឹក្សាក្រុងបូកគោនៃខេត្តកំពត ចំនួន ៣ គណបក្ស គឺគណបក្សប្រជាជនកម្ពុជា គណបក្សសញ្ជាតិកម្ពុជា និងគណបក្សយុវជនកម្ពុជា។
![](https://cen-news.com/wp-content/uploads/2021/05/photo_2021-05-10_18-22-52.jpg)
ដោយឡែកសម្រាប់គណបក្សហ៊្វុនស៊ិនប៉ិច គណៈកម្មការរៀបចំការបោះឆ្នោតខេត្តកំពត នឹងពិនិត្យសម្រេចលើពាក្យសុំចុះបញ្ជីគណបក្សនយោបាយ ឈរឈ្មោះបោះឆ្នោត ក្នុងរយៈពេលយ៉ាងយូរ ៥ (ប្រាំ) ថ្ងៃ បន្ទាប់ពីបានទទួលពាក្យសុំចុះបញ្ជីនៅថ្ងៃនេះ៕ រក្សាសិទ្ធិដោយៈ ចេស្តារ