ភ្នំពេញ÷រថយន្តកុងតឺន័រមួយគ្រឿងបើកបក្នុងល្បឿនលឿនដល់ផ្លូវកោងបត់មិនប្រយ័ត្ន បណ្តាលឲ្យក្រឡាប់ផ្ងារជើងសំណាងល្អមិនគ្រោះថ្នាក់ដល់តៃកុងរថយន្តនិងនាក់រួមដំណើរតាមដងផ្លូវ។
ហេតុការណ៍គ្រោះថ្នាក់ចរាចរណ៍នេះដែរកើតឡើងនៅវេលាម៉ោង ១និង០០ នាទីរសៀលថ្ងៃអាទិត្យទី ១៦ ខែឧសភា ឆ្នាំ២០២១ ស្ថិតនៅតាមបណ្តោយផ្លូវថៃហ្គ័រកែងនឹងផ្លូវជាតិលេខ១ ក្នុងសង្កាត់ព្រែកឯង ខណ្ឌច្បាអំពៅ រាជធានីភ្នំពេញ។
ប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញរថយន្តកុងតឺន័រមួយគ្រឿងក្បាលពណ៌ស ពាក់ផ្លាកលេខ ភ្នំពេញ 3-C 234 7 បើកបរដោយបុរសម្នាក់ធ្វើដំណើរតាមបណ្តោយផ្លូវជាតិលេខ១ ក្នុងទិសដៅពីត្បូងទៅជើង ខណៈមកដល់ចំណុចកើតហេតុបានបួងចង្កូតបត់ចូលផ្លូវថៃហ្គ័រមិនប្រយ័ត្នបណ្ដាលឲ្យផ្អៀងទូក្រឡាប់ផ្ងារជើងតែម្តង។ សំណាងល្អដែលនៅក្នុងហេតុការណ៍គ្រោះថ្នាក់ចរាចរណ៍នេះ មិនបង្កឲ្យមាននរណាម្នាក់រងរបួសស្នាមនោះទេ រងការខូចខាតតែរថយន្តកុងតឺន័រនិងសម្ភារៈនៅក្នុងមួយចំនួនតែប៉ុណ្ណោះ។
ក្រោយពេលកើតហេតុសមត្ថកិច្ចមូលដ្ឋានសហការជាមួយនឹងខាងជំនាញចរាចរខណ្ឌច្បារអំពៅចុះមកដល់ក៏ពិនិត្យឃើញថា មិនមានប៉ះពារទៅលើទ្រព្យសម្បត្តិរដ្ឋនឹងមិនប៉ះពាល់ទៅលើប្រជាពលរដ្ឋដែលកំពុងតែធ្វើដំណើរតាមដងផ្លូវ ក៏ឲ្យម្ចាស់រថយន្តយករថយន្តស្ទូចមកស្ទូចយកទៅជួសជុលដោយខ្លួនឯង៕ ដោយ ៖ សាមេត
