ភ្នំពេញ÷ រន្ធត់ណាស់បុរសម្នាក់ បាន។ស្លាប់បាត់់បង់ជីវិតចោលក្រុមគ្រួសារនៅនឹងកន្លែងកើតហេតុភ្លាមៗ និង ៣នាក់ទៀត មានស្ត្រី១នាក់ បានរងរបួសធ្ងន់និងស្រាលត្រូវបានរថយន្តសាម៉ុយដឹកយកទៅសង្គ្រោះបន្ទាន់ភ្លាមៗ បន្ទាប់ពីជនជាតិចិនបើករថយន្តបទបញ្ច្រាស់ទិសទៅបុករះម៉ូតូចំនួន ៣គ្រឿង ដួលរាលពេញផ្លូវជាតិលេខ ៣។
ហេតុការណ៍ដ៏រន្ធត់មួយនេះបង្កការភ្ញាក់ផ្អើលកាលពីវេលាម៉ោង ៥និង៣០នាទីល្ងាច ត្រូវថ្ងៃទី១៦ ខែឧសភា ឆ្នាំ២០២១ ទីតាំងស្ថិតតាមបណ្ដោយផ្លូវជាតិលេខ ៣ ចំណុចមុខរោងចក្រ (សុីកូ) ក្នុងសង្កាត់ពងទឹក ខណ្ឌដង្កោរ រាជធានីភ្នំពេញ។
សពមានឈ្មោះ ឯមវីន ភេទប្រុស អាយុ២៣ឆ្នាំ មុខរបកម្មកររោងចក្រ មានស្រុកកំណើត នៅភូមិអំបីមុំ ស្រុកត្រាំង ខេត្តតាកែវ និងនាក់រងរបួស៣នាក់ទៀត នៅមិនទាន់ស្គាល់អត្តសញ្ញាណនៅឡើយ។
បើយោងតាមប្រភពព័ត៌មានពីកន្លែងកើតហេតុបានប្រាប់ឲ្យដឹងថានៅមុនពេលកកើតហេតុគេបានឃើញរថយន្ដមួយគ្រឿងម៉ាក SIENNAពណ៌ស ពាក់ស្លាប់លេខភ្នំពេញ2-BI-5708 បើកបរដោយជនជាតិចិនក្នុងទិសដៅពីត្បូងមកជើងក្នុងល្បឿនលឿន ខណះពេលមកដល់ចណុចកើតហេតុក៏បានបត់បញ្ច្រាស់ផ្លូវទៅបុករះម៉ូតូចំនួន៣គ្រឿងដែលកំពុងតែជិះនៅតាមបណ្ដោយផ្លូវជាតិលេខ៣ ក្នុងទិសដៅពីជើងមកត្បូងបណ្តាលឲ្យបុរសម្នាក់ស្លាប់ភ្លាមៗ និង៣នាក់ទៀតមានបុរស២នាក់រួមនិងស្ត្រីម្នាក់បានរងរបួសធ្ងន់និងស្រាល។
ចំណែកកៃកុងរថយន្ដបង្ក(ជនជាតិចិន) ត្រូវបានសមត្ថកិច្ចឃាត់ខ្លួនបានទាំង ៣នាក់។
ក្រោយពេលកើតហេតុសមត្ថកិច្ចមូលដ្ឋានសហការជាមួយនឹងខាងជំនាញចរាចរណ៍ខាងដឹកក៏ចូលមកដល់រួចក៏បានពិនិត្យនឹងទំនាក់ទំនងទៅខាងចរាចរណ៍ជំនាញក្រុងឲ្យចំមកភព្វព្រេងយកម៉ូតូ 3គ្រឿង និងរថយន្តបង្កមួយគ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការរាជធានីភ្នំពេញរង់ចាំដោះស្រាយនៅពេលក្រោយនិងធ្វើកំណត់ហេតុប្រគល់សពឲ្យក្រុមគ្រួសារយកទៅធ្វើបុណ្យនៅឯស្រុកកំណើតតាមប្រពៃណី៕ ដោយ ៖ សាមេត
