ភ្នំពេញ÷បុរសម្នាក់បានបើករថយន្តកូរ៉េដឹកទឹកកកមួយគ្រឿងក្នុងល្បឿនលឿនមិនប្រយ័ត្ន បានងោកមួយភាំងរេចង្កូតជ្រុលទៅបុករុឺម៉កចតចោលនៅតាមដងផ្លូវនិងជ្រុលទៅបុករះសំយ៉ាបផ្ទះប្រជាពលរដ្ឋរងការខូចខាតអស់មួយចំនួនសំណាងល្អមិនមានគ្រោះថ្នាក់ដល់មនុស្ស។
ហេតុការណ៍គ្រោះថ្នាក់ចរាចរណ៍នេះដែរ បានកើតឡើងនៅវេលាម៉ោង១និង២០នាទី យប់រំលងអាធ្រាត ឈានចូលថ្ងៃទី១៧ ខែឲសភា ឆ្នាំ២០២១ ស្ថិតនៅតាមបណ្តោយផ្លូវ៣៦៩ ក្នុងភូមិព្រែកតាពៅ សង្កាត់ព្រែកប្រា ខណ្ឌច្បាអំពៅ រាជធានីភ្នំពេញ។
ប្រភពព័ត៍មានពីតៃកុងរថយន្តបានរៀបរាប់ឲ្យដឹងថា នៅមុនពេលកើតហេតុខាងលើខ្លួនបានចេញពីផ្ទះដើម្បីទៅយកទឹកកកដើដាក់ឲ្យម៉ូយខណះខ្លួនកំពុងតែបើក មកដល់ចំណុចកើតហេតុស្រាប់តែងោកមួយភាំងទើបបានរេចង្កូតទប់អត់ជាបបានជ្រុលទៅបុករុឺម៉កចតចោលនៅចិញ្ចើមផ្លូវ រួចបន្តទៅបុករះសំយ៉ាបផ្ទះប្រជាពលរដ្ឋរងការខូចខាតអស់មួយចំនួនទៀត ។ ចំណែកឯរថយន្តបង្កវិញរងការខូចខាតផ្នែកខាងមុខស្ទើទាំងស្រុង។
ក្រោយពេលកើតហេតុសមត្ថកិច្ចមូលដ្ឋានសហការជាមួយនឹងខាងជំនាញចរាចរណ៍ខណ្ឌច្បាអំពៅចុះមកដល់រួចពិនិត្យឲ្យភាគីទាំងសង្ខាងចរចាគ្នាដោយភាគីម្ចាស់រថយន្តបង្កព្រមសងជាសំណងក្នុងការជួសជុលទៅលើរុឺម៉កនិងសំយ៉ាបផ្ទះប្រជាពលរដ្ឋបញ្ចប់រឿងនៅកន្លែងកើតហេតុតែម្តង៕ ដោយ ៖ សាមេត
