រ៉ុក្កែតរាប់សិបគ្រាប់ត្រូវបានបាញ់ចេញ ពីតំបន់ហ្គាហ្សាឆ្ពោះទៅភាគកណ្តាល និងភាគខាងត្បូង នៃប្រទេសអ៊ីស្រាអែល នៅយប់ថ្ងៃសៅរ៍ ដោយអំពើហឹង្សារវាងក្រុមហាម៉ាស និងអ៊ីស្រាអែល មិនបានបង្ហាញពីសញ្ញានៃការបញ្ឈប់នោះទេ។
ប៉ូលីសបាននិយាយនៅក្នុងសេចក្តីថ្លែងការណ៍មួយថា គ្រាប់រ៉ុក្កែតទាំងនោះ ត្រូវបានគេកំណត់គោលដៅនៅលើរដ្ឋធានីហិរញ្ញវត្ថុ របស់អ៊ីស្រាល គឺឈ្មោះ Tel Aviv, អាកាសយានដ្ឋានបេនហ្គួរីស និងទីក្រុងសំខាន់ៗដទៃទៀតនៅទូទាំងភាគកណ្តាល និងភាគខាងត្បូងប្រទេសអ៊ីស្រាអែល។
យ៉ាងណាមិញ ការបាញ់គ្រាប់រ៉ុក្កែតជាច្រើនគ្រាប់ មិនទាន់មានសេចក្តីរាយការណ៍ភ្លាមៗអំពីអ្នកស្លាប់ និងរបួសទេនៅឡើយទេ។
កាលពីព្រឹកថ្ងៃសៅរ៍ក្រុមហាម៉ាស់ ដែលជាក្រុមគ្រប់គ្រងតំបន់ហ្គាហ្សាស្ទ្រីបបានព្រមានថា ខ្លួននឹងបាញ់រ៉ុក្កែតឆាប់ៗ ដើម្បីធ្វើការសងសឹកចំពោះការវាយប្រហារដ៏សាហាវរបស់អ៊ីស្រាអែល ទៅលើអគារខ្ពស់មួយនៅក្នុងការិយាល័យលំនៅដ្ឋាន របស់ទីក្រុងហ្គាហ្សា នៃទូរទស្សន៍ផ្សព្វផ្សាយ Al-Jazeera TV និង Associated Press ។
ចាប់តាំងពីថ្ងៃច័ន្ទមកអ៊ីស្រាអែល បានដណ្តើមយកការវាយប្រហារតាមអាកាស និងគ្រាប់ផ្លោងរាប់រយដែល បានសម្លាប់មនុស្សយ៉ាងហោចណាស់ ១៤៥ នាក់ក្នុងនោះមានកុមារ ៤១ នាក់ និងស្រី្ត ២៣ នាក់។ ជាមួយគ្នានេះគ្រាប់រ៉ុក្កែត ដែលបាញ់ដោយក្រុមសកម្មប្រយុទ្ធ នៅតំបន់ហ្គាហ្សាបានសម្លាប់មនុស្ស ១០ នាក់ក្នុងនោះមានក្មេងប្រុសអាយុ ៥ ឆ្នាំ ទាហានម្នាក់ និងស្ត្រី ២ នាក់៕
ប្រភព៖ ចិនស៊ិនហ៊ួរ
រក្សាសិទ្ធិដោយ៖CEN
