ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានថ្លែងថា ថ្ងៃនេះ ជាថ្ងៃទិវាជាតិនៃការចងចាំ ២០ ឧសភា ដែលជាថ្ងៃប្រជាជនកម្ពុជាគ្រប់ៗរូបចងចាំមិនអាចបំភ្លេចបាន ក្នុងរបបកម្ពុជាប្រជាធិបតេយ្យ ឬហៅថារបបប្រល័យពូជសាសន៍ ប៉ុល ពត (១៧ មេសា ១៩៧៥ – ៦ មករា ១៩៧៩) ដែលជារបបដ៏ឃោរឃៅ និងខ្មៅងងឹត ។ ទិវានេះ ជាការរំលឹកដល់វិញ្ញាណក្ខន្ធដល់ជនរងគ្រោះជាង៣លាននាក់ ដែលបានស្លាប់បាត់បង់ជីវិត នៅក្នុងរបបប្រល័យពូជសាសន៍ ប៉ុល ពត ។
![](https://cen-news.com/wp-content/uploads/2021/05/photo_2021-05-20_07-16-27.jpg)
សម្តេចតេជោ បានលើកឡើងថា ប្រជាពលរដ្ឋកម្ពុជាភាគច្រើនលើសលប់បានដឹង និងបានយល់ច្បាស់ អំពីរឿងរ៉ាវសោកនាដកម្មដ៏ជូរចត់ ដែលប្រជាពលរដ្ឋខ្មែរបានឆ្លងកាត់ជិត៣ទសវត្សរ៍ ក្នុងភ្នក់ភ្លើងសង្គ្រាម និងទឹកភ្នែក ការកាប់សម្លាប់ ការបំផ្លិចបំផ្លាញ ការជម្លៀសចេញពីទីលំនៅរបស់ខ្លួនដោយបង្ខំ និងការបង្ខំឱ្យធ្វើការដូចសត្វធាតុជាដើម។ មិនតែប៉ុណ្ណោះ ប្រជាពលរដ្ឋកម្ពុជា ត្រូវស្លាប់ដោយគ្មានថ្នាំសង្កូវព្យាបាល គ្មានអាហារបរិភោគគ្រប់គ្រាន់ គ្មានសិទ្ធិសេរីភាព គ្មានលទ្ធិប្រជាធិបតេយ្យ ហើយសូម្បីតែសិទ្ធិរស់រានមានជីវិតដែលជាសិទ្ធិមូលដ្ឋានមានពីកំណើតរបស់មនុស្សក៏គ្មានដែរ។
ដើម្បីកុំឲ្យរបបនេះវិលត្រឡប់មកវិញ ចូលរួមថែរក្សាការពារសន្តិភាពឱ្យបានគង់វង្ស ពីព្រោះសន្តិភាពបានផ្តល់ឱកាសគ្រប់យ៉ាងក្នុងការកសាងសង្គមគ្រួសារ សហគមន៍ និងប្រទេសជាតិ ឱ្យកាន់តែរីកចម្រើនទៅមុខទៀត៕ រក្សាសិទ្ធិដោយ៖បញ្ញាស័ក្តិ
![](https://cen-news.com/wp-content/uploads/2021/05/photo_2021-05-20_07-16-28.jpg)
![](https://cen-news.com/wp-content/uploads/2021/05/photo_2021-05-20_07-16-29-2.jpg)
![](https://cen-news.com/wp-content/uploads/2021/05/photo_2021-05-20_07-16-29.jpg)
![](https://cen-news.com/wp-content/uploads/2021/05/photo_2021-05-20_07-16-30.jpg)
![](https://cen-news.com/wp-content/uploads/2021/05/photo_2021-05-20_07-16-31.jpg)
![](https://cen-news.com/wp-content/uploads/2021/05/photo_2021-05-20_07-16-32.jpg)
![](https://cen-news.com/wp-content/uploads/2021/05/photo_2021-05-20_07-16-33-2.jpg)
![](https://cen-news.com/wp-content/uploads/2021/05/photo_2021-05-20_07-16-33.jpg)
![](https://cen-news.com/wp-content/uploads/2021/05/photo_2021-05-20_07-16-35.jpg)
![](https://cen-news.com/wp-content/uploads/2021/05/photo_2021-05-20_07-16-36.jpg)
![](https://cen-news.com/wp-content/uploads/2021/05/photo_2021-05-20_07-16-37.jpg)
![](https://cen-news.com/wp-content/uploads/2021/05/photo_2021-05-20_07-16-38.jpg)
![](https://cen-news.com/wp-content/uploads/2021/05/photo_2021-05-20_07-16-39-2.jpg)
![](https://cen-news.com/wp-content/uploads/2021/05/photo_2021-05-20_07-16-39-3.jpg)
![](https://cen-news.com/wp-content/uploads/2021/05/photo_2021-05-20_07-16-39.jpg)