អូស្ត្រាលីសង្ឃឹមថា នឹងទទួលបានវ៉ាក់សាំងប្រភេទភីហ្វាយហ្ស៊ឺ (Pfizer) ចំនួន២លានដូសរៀងរាល់សប្តាហ៍ ចាប់ពីខែតុលាទៅ។ នេះបើតាមការឲ្យដឹងពីរដ្ឋមន្ត្រីក្រសួងសុខាភិបាលលោក Greg Hunt បានប្រាប់កាសែត Sydney Morning Herald (SMH) កាលពីថ្ងៃអាទិត្យ។
អូស្ត្រាលីបានបញ្ជាទិញ វ៉ាក់សាំងការពារជំងឺកូវីដ១៩ ប្រភេទភីហ្វាយហ្ស៊ឺចំនួន៤០លានដូស ដែលទីក្រុងកង់បេរ៉ាមានបំណងប្រើប្រាស់ ដើម្បីចាក់ជូនចំនួនប្រជាជន ដែលមានអាយុក្រោម៥០ឆ្នាំ។
ប្រទេសអូស្តា្រលីបានបញ្ជាក់ពីមុនថា ខ្លួននឹងទទួលបាននូវវ៉ាក់សាំងភីហ្វាយហ្ស៊ឺ ដែលបានបញ្ជាទិញក្នុងត្រីមាសទី៤ឆ្នាំ២០២១។ យ៉ាងណាមិញពេលវេលា នៃការដឹកជញ្ចូនវ៉ាក់សាំងដំបូងចំនួន២០លានដូសនេះ មិនទាន់បានដឹងច្បាស់មុននៅឡើយទេ។
លោក Hunt បានប្រាប់កាសែតដដែលខាងលើថា ការផ្គត់ផ្គង់វ៉ាក់សាំងភីហ្សាយហ្ស៊ឺនឹងពន្លឿននៅខែថ្មី ហើយនិងធ្វើឱ្យអូស្រា្តលីទទួលបាន២លានដូសនៅសប្តាហ៍បន្ទាប់ចាប់ពីខែតុលាទៅ។
អូស្ត្រាលីបានកត់ត្រាពីការកម្រិត នៃឆ្លងកូវីដ១៩ទាប ក្រោមចំនួន៣ម៉ឺនករណី និងមានចំនួនអ្នកស្លាប់ចំនួន៩១០នាក់។ ទោះបីជាការចាក់វ៉ាក់សាំងជាតិ បានខកខាននូវគោលដៅកំណត់ក៏ដោយ មន្រ្តីសុខាភិបាលបានបង្កើន កម្មវិធីចាក់វ៉ាក់សាំងដល់ប្រជាជនបានចំនួន ១ លានដូសក្នុងរយៈពេល ១៧ ថ្ងៃចុងក្រោយនេះ។
រហូតមកដល់ពេលនេះ ការចាក់វ៉ាក់សាំងសរុបប្រហែលជា ៣.៥ លានត្រូវបានគេប្រើគឺតិចជាងចំនួន ៤ លានដែលបានសន្យានៅចុងខែមីនា៕
ប្រភព៖ រ៉យទ័រ
រក្សាសិទ្ធិដោយ៖CEN
