ភ្នំពេញ÷ឆ្លងចរន្តអគ្គីសនី ឆេះបង្គោលភ្លើង ២ដើមជាប់នឹងការ៉ាស់សាំង បង្កការភ្ញាក់ផ្អើលដល់ប្រជាពលរដ្ឋជិតខាងទាំងកណ្តាលយប់ រត់ចេញពីផ្ទះទាញបំពង់ពន្លត់អគ្គីភ័យមកជួយបាញ់ពន្លត់ជាច្រើនបំពង់ដើម្បីទប់ស្កាត់ សំណាងល្អមិនរាលដាលទៅលើផ្ទះប្រជាពលរដ្ឋ្ជិតខាង។
ហេតុការណ៍ភ្ញាក់ផ្អើលនេះដែរ បានកើតឡើងកាលពីវេលាម៉ោង ២និង៣០នាទី ទៀបភ្លឺ ឈានចូលថ្ងៃទី ២៥ ខែឧសភា ឆ្នាំ២០២១ ស្ថិតនៅតាមបណ្តោយផ្លូវវេងស្រេង សង្កាត់ចោមចៅទី២ ខណ្ឌពោធិ៍សែនជ័យ រាជ ធានីភ្នំពេញ។
ប្រភពព័ត៍មានពីប្រជាពលរដ្ឋនៅកន្លែងកើតហេតុបានប្រាប់ឲ្យដឹងថា នៅមុនពេលកើតហេតុគាត់បានឃើញបង្គោលភ្លើងមួយដើមនៅជាប់និងការ៉ាសសាំងសូគីមុិច បានទុស្សេខ្សែភ្លើងឆេះតែមួយបង្គោលនោះទេបន្ទាប់មកក៏ឆ្លងរាលដាលឆេះទៅបង្គោលមួយទៀតជាបន្តបន្ទាប់ រួចក៏បានបងប្អូនប្រជាពលរដ្ឋរត់ចេញពីក្នុងផ្ទះទាញបំពង់ពន្លត់អគ្គីភ័យជាច្រើនបំពង់មកបាញ់ពន្លត់ ជួយទប់ស្កាត់កុំឲ្យមានការរីករាល ដាលបន្ថែម បន្ទាប់មកក៏ទំនាក់ទំនងទៅសមត្ថកិច្ចសុំរថយន្តពន្លត់អគ្គីភ័យឲ្យចុះមកបាញ់ពន្លត់អោយរលត់ទៅវិញតែម្តងទៅ។
ក្រោយពេលឆ្លងចរន្តអគ្គីសនីឆេះបង្គោលភ្លើង ២ដើម ឃើញថា ប្រើប្រាស់បំពង់ពន្លត់អគ្គីភ័យអស់ជាច្រើនបំពង់និងឃើញមានរថយន្តពន្លត់អគ្គីភ័យចុះមកបាញ់ពន្លត់២គ្រឿង ។ មិនមាននាក់ស្លាប់ និងមិនមាននាក់រងរបួសនោះខូចខាតតែខ្សែភ្លើងដាច់ធ្លាក់រាយប៉ាយពេញផ្លូវ៕ ដោយ ៖ សាមេត
