មេដឹកនាំសហភាពអ៊ឺរ៉ុបបានកាត់ផ្តាច់បណ្តាញអាកាសអឺរ៉ុបជាមួយប្រទេសបេឡារុស្សកាលពីថ្ងៃចន្ទ នៅពេលដែលរបបរបស់បុរសខ្លាំងលោក អាឡិចសាន់ឌឺ លុកាហ្សេនកូ បានចាប់ខ្លួនអ្នកកាសែត នៅទឹកដីបេឡារុស្ស បន្ទាប់ពីការហោះហើររបស់គាត់ត្រូវបានបង្ខំឲ្យ ចុះចតនៅទីក្រុង Minsk របស់ប្រទេសមួយនេះ។
លោកប្រធានាធិបតី លុកាហ្សេនកូ បានធ្វើឱ្យអន្តរជាតិខឹងសម្បារជាខ្លាំង បន្ទាប់ពីបាន បញ្ជូនយន្តហោះចម្បាំងមួយគ្រឿងកាលពីថ្ងៃអាទិត្យ ដើម្បីស្ទាក់ចាប់ជើងហោះហើរ Ryanair ពីទីក្រុង Athens ទៅ Vilnius ដែលនាំអ្នកយកព័ត៌មានម្នាក់ឈ្មោះរ៉ូមែន ប្រូតាសេវិច អាយុ ២៦ ឆ្នាំ និងមិត្តស្រីឈ្មោះ សូហ្វ៊ៀសេប៉េហ្គា ។
កិច្ចប្រជុំមេដឹកនាំអឺរ៉ុបនៅទីក្រុងប្រ៊ុចសែល បានអំពាវនាវឱ្យមានការដោះលែងអ្នកទាំងពីរ និងបានវាយបកទៅវិញចំពោះទីក្រុង Minsk ដោយយល់ព្រមនៃហាមឃាត់ក្រុមហ៊ុនអាកាសចរណ៍បេឡារុស្សពីតំបន់នេះ ហើយជំរុញឱ្យក្រុមហ៊ុនអាកាសចរណ៍ដែលមានមូលដ្ឋាននៅអឺរ៉ុបមិនឱ្យហោះហើរលើដែនអាកាសរបស់ប្រទេសនេះឡើយ។
មេដឹកនាំទាំងនោះក៏បានព្រមានថាពួកគេនឹងអនុម័ត“ ទណ្ឌកម្មសេដ្ឋកិច្ច” បន្ថែមទៀតប្រឆាំងនឹងអាជ្ញាធរបេឡារុស្សដើម្បីបន្ថែមតួលេខនៃរបប ៨៨ និងក្រុមហ៊ុនចំនួន ៧ ដែលស្ថិតនៅក្នុងបញ្ជីខ្មៅរួចទៅហើយជុំវិញការបង្ក្រាបក្រុមប្រឆាំង។
ការផ្លាស់ប្តូរនេះបានកើតឡើងនៅពេលទូរទស្សន៍រដ្ឋបេឡារុស្សបានចាក់ផ្សាយវីដេអូរយៈពេល ៣០ វិនាទីរបស់អ្នកសារព័ត៍មាន ប្រ៉ូតាសេវិច ដែលធ្លាប់បានរស់នៅរវាងប្រទេស លីទុយអានី និងប៉ូឡូញ ហើយបានបញ្ជាក់ថា គាត់កំពុងជាប់ពន្ធនាគារនៅទីក្រុង Minsk និង “សារភាព” ចំពោះការចោទប្រកាន់ពីការរៀបចំភាពចលាចលទ្រង់ទ្រាយធំ។
រូបភាពនោះបានបង្ហាញថាលោក ប្រ៉ូតាសេវិច អាចប្រឈមនឹងការជាប់ពន្ធធនាគារ ១៥ ឆ្នាំ។
ប្រធានាធិបតីអាមេរិក លោក ចូបៃឌិន បានស្តីបន្ទោសពីការបង្វែរយន្ដហោះដោយបង្ខំ និងការចាប់ខ្លួនលោក ប្រ៉ូតាសេវិច ថានេះជា“ ការជេរប្រមាថដោយផ្ទាល់ទៅនឹងបទដ្ឋានអន្តរជាតិ” ហើយបាននិយាយថា វីដេអូនេះហាក់ដូចជាត្រូវបានធ្វើឡើង“ ស្ថិតនៅក្រោមគំនាបរបស់លោក ហ្សេនកូ” ។
នៅក្នុងសេចក្តីថ្លែងការណ៍នៅសេតវិមានលោក បៃឌិន បាននិយាយថា“ ខ្ញុំស្វាគមន៍ចំពោះព័ត៌មានដែលសហភាពអឺរ៉ុបបានអំពាវនាវឱ្យមានទណ្ឌកម្មសេដ្ឋកិច្ច និងវិធានការផ្សេងទៀត។
ការជំរុញរបស់សហភាពអ៊ឺរ៉ុបក្នុងការដាក់ទណ្ឌកម្មទីក្រុង Minsk បន្ទាប់ពីការប្រកាសរបស់ប្រទេសមួយចំនួន និងក្រុមហ៊ុនអាកាសចរណ៍ថា ពួកគេកំពុងកាត់ផ្តាច់ទំនាក់ទំនងជាមួយប្រទេសបេឡារុស្សហើយ។
ទីក្រុងឡុងក៏បាននិយាយថា ខ្លួនបានចេញសេចក្តីណែនាំសម្រាប់យន្តហោះអង់គ្លេសដើម្បីបញ្ចៀសដែនអាកាសបេឡារុស្សផងដែរ។
អ៊ុយក្រែនបាននិយាយថា ខ្លួននឹងបញ្ឈប់ការហោះហើរត្រង់រវាងប្រទេសទាំងពីរ និងប្រទេសបេឡារុស្សស្របពេលដែលក្រុមហ៊ុនអាកាសចរណ៍ Scandinavian airline SAS និងក្រុមហ៊ុនអាកាសចរណ៍ក្នុងតំបន់ដែលមានមូលដ្ឋាននៅ Latvia បាននិយាយថា ពួកគេនឹងចៀសវាងដែនអាកាសបេឡារុស្ស។
ប្រទេសបេឡារុស្សបានទទូចថាខ្លួនបានធ្វើសកម្មភាពដោយស្របច្បាប់លើការចុះចតរបស់យន្តហោះ Ryanair ដោយចោទប្រកាន់លោកខាងលិចពីការធ្វើឱ្យមានការចោទប្រកាន់គ្មានមូលដ្ឋានសម្រាប់ហេតុផលនយោបាយ។
ប្រធានកងទ័ពអាកាសរបស់ខ្លួនបាននិយាយថា ប្រធានក្រុមយន្ដហោះបានសម្រេចចិត្តចុះចតនៅប្រទេសបេឡារុស្ស“ ដោយគ្មានការជ្រៀតជ្រែកពីខាងក្រៅ” ហើយថាអ្នកបើកយន្តហោះអាចជ្រើសរើសទៅអ៊ុយក្រែន ឬប៉ូឡូញ។
រដ្ឋមន្ត្រីក្រសួងការបរទេសអង់គ្លេសលោក Dominic Raab បានលើកឡើងពីលទ្ធភាពដែលថារុស្ស៊ីបានគាំទ្រប្រតិបត្តិការនេះ។លោកបានប្រាប់សភាថា “វាជាការលំបាកខ្លាំងណាស់ក្នុងការជឿថាសកម្មភាពប្រភេទនេះអាចត្រូវបានធ្វើឡើងដោយគ្មានការទទួលបានពីអាជ្ញាធរនៅក្នុងទីក្រុងម៉ូស្គូ” ។ ប៉ុន្តែរុស្ស៊ីបានច្រានចោលកំហឹងនៅបស្ចឹមប្រទេសទៅវិញ។
អង្គការណាតូ បានរិះគន់“ ឧប្បត្តិហេតុដ៏ធ្ងន់ធ្ងរ និងគ្រោះថ្នាក់នេះ” ហើយបាននិយាយថា ប្រេសិតមកពីសម្ព័ន្ធយោធាត្រូវតែពិភាក្សាគ្នារឿងនេះ នៅថ្ងៃអង្គារ។
សេវាកម្ម Nexta Live និងកម្មវិធីផ្សាយផ្ទាល់ Nexta របស់លោក ប្រ៉ូតាសេវិច និង ប្អូនស្រីរបស់លោក គឺជាបណ្តាញប្រឆាំងដែលលេចធ្លោមួយ ដែលបានជួយប្រមូលផ្តុំក្រុមអ្នកតវ៉ានៅប្រទេសបេឡារុស្ស ហើយកម្មវិធីមានអ្នកប្រើតាមដានជាង ២ លាននាក់ឯណោះ។
លោកប្រ៉ូតាសេវិច និងកញ្ញា ប៉ូទីលូ ត្រូវបានបញ្ចូលទៅក្នុងបញ្ជី “បុគ្គលដែលពាក់ព័ន្ធ នឹងសកម្មភាពភេរវកម្ម” កាលពីឆ្នាំមុន៕ ប្រភព៖ រ៉យទ័រ