អ្នកបើកបររថយន្តធុនធំម្នាក់ ពិតជាមានការស្លុតចិត្តយ៉ាងខ្លាំង នៅពេលគាត់បានប្រទះឃើញកូនក្មេងអាយុ ៨ ខែ ម្នាក់ បានកំពុងវារកាត់ផ្លូវជាតិ នាតំបន់ជើងភ្នំមួយកន្លែង ស្ថិតក្នុងខេត្ត Quang Ninh ។ វាពិតជាសំណាងហើយ ដែលអ្នកបើកបរនេះ បានជាន់ហ្វ្រាំងទាន់ពេលវេលា ។
អ្នកលេងហ្វេសប៊ុកម្នាក់ ដែលមានឈ្មោះថា Dang Thai បានផុសវីដេអូបង្ហាញឲ្យរថយន្តធំ១គ្រឿងបានឈប់ ខណៈក្មេងស្រីអាយុ ៨ ខែ នេះ កំពុងវារឆ្លងកាត់ផ្លូវជាតិលេខ១៨ ពីមុខវា ។
ម្ចាស់វីដេអូនេះ បានិយាយថា នៅវេលាម៉ោងជា ៣ រសៀល ថ្ងៃទី១៣ មីនា គាត់បានបើករថយន្តទៅកាន់ស្រុក Binh Lieu ដើម្បីដោះស្រាយការងារមួយ ស្ថិតនៅតំបន់ Mong Duong នៅពេលនោះ គាត់បានឃើញកូនក្មេងម្នាក់ កំពុងវារឆ្លងពីមុខរថយន្តធំ១គ្រឿង ស្ថិតនៅលើផ្លូវជាតិលេខ១៨ ។
ដោយសម្លឹងឃើញស្ថានភាពដ៏គួរឲ្យរន្ធត់យ៉ាងនេះ គាត់ក៏បានជាន់ហ្វ្រាំងរថយន្តឈប់ពីចម្ងាយ និងចុះទៅលើកវាចេញពីដងផ្លូវ ។ ប៉ុន្តែ ភ្លាមៗនោះ បានឃើញម្តាយរបស់ក្មេងនេះ បានរត់ចេញមកពីចិញ្ចើមផ្លូវខាងឆ្វេង ផ្លោះលើទ្រូងផ្លូវ និងលើកកូនរបស់នាង ចូលទៅក្នុងផ្ទះយ៉ាងលឿន ៕ ចន្ទី
