ភ្នំពេញ÷យុវជនមួយក្រុមគ្នា ៤នាក់ មានស្រីនិងប្រុសខឹងទៅលើបុរស ២នាក់ ព្រោះតែរឿងលេបខាយពាក្យសំដីជាមួយនិងសង្សារខ្លួន ស្រាប់តែខឹងជិះម៉ូតូយកពូថៅទៅកាប់លើបុរស ២នាក់ ដល់កន្លែងជិតនិងស្តុបក្បាលថ្នល់ បណ្តាលឲ្យមានរបួសស្នាមទាំងសងខាង។
ហេតុការណ៍ភ្ញាក់ផ្អើលនេះដែរ បានកើតឡើងកាលពីវេលាម៉ោង ៩និង០០នាទីយប់ថ្ងៃទី១៣ ខែមិថុនា ឆ្នាំ២០២១ ស្ថិតនៅតាមបណ្តោយផ្លូវ ៦០ម៉ែត្រ ចំណុចស្តុបក្បាលថ្នល់ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
ប្រភពព័ត៍មានពីប្រជាពលរដ្ឋនៅកន្លែងកើតហេតុបានឲ្យដឹងថា នៅមុនពេលកើតហេតុគាត់ឃើញនារី ២នាក់ មកអង្គុយហូបអីនៅក្នុងម៉ាតជិតនឹងកន្លែងកើតហេតុ ស្រាប់តែមួយសន្ទុះក្រោយមកក៏មានបុរស ២នាក់មកអង្គុយជិត រួចប្រើពាក្យសំដីរាងលេបខាយទៅលើនារី ២នាក់ នោះបន្ទាប់មកដោយនារី ២នាក់បានទៅប្រាប់សង្សារបស់នាង បន្ទាប់មកក៏ជិះម៉ូតូយកពូថៅមកកាប់ទៅលើបុរស ២នាក់ដល់កន្លែងកើតហេតុ ស្រាប់តែបុរស ២នាក់ បានយកបំពង់ទីបវាយតតាំងវិញ បណ្តាលឲ្យមានរបួសស្នាមបែកក្បាលទាំងសងខាង។
ក្រោយពេលកើតហេតុខាងលើ សមត្ថកិច្ចមូលដ្ឋានបានចុះទៅដល់ រួចធ្វើការឃាត់ខ្លួនទាំងនាក់បង្កនិងរងគ្រោះយកទៅប៉ុស្តិ៍នគបាលរដ្ឋបាលសង្កាត់ចក្រអង្រែលើ ដើម្បីឲ្យភាគីទាំងពីរសម្របសម្រួលគ្នា៕ រក្សាសិទ្ធិដោយ ៖ សាមេត
