ភ្នំពេញ ៖ ក្នុងចំណោមភាគហ៊ុនទាំងពីរ ដែលមាននិន្នាការថ្លៃកើនឡើងនៅថ្ងៃអង្គារម្សិលមិញនេះ ភាគហ៊ុន PAS មានកំណើនខ្ពស់ជាង ១០០៛ បើធៀបនឹង កំពង់ផែស្វយ័តក្រុងភ្នំពេញ (PPAP) ដែលកើនត្រឹម ២០៛ ក្នុងមួយហ៊ុន។
យ៉ាងណាមិញ ថ្លៃ PAPP នៅតែបន្តនាំមុខដោយបានបិទនៅ ១៥.០២០៛ ខណៈ PAS បិទត្រឹម ១៤.៧៦០៛។ ភាគហ៊ុន ៥ ទៀតដែលនៅសល់ បានបង្ហាញការធ្លាក់ចុះចន្លោះពី ២០៛ ទៅ ៦០៛ ដោយភាគហ៊ុន រដ្ឋាករទឹកស្វយ័តក្រុងភ្នំពេញ (PWSA) បានថយចុះមកត្រឹម ៧.២០០៛ ហ្រ្កេនធ្វីន (GTI) ត្រឹម ៤.២៦០៛ តំបន់សេដ្ឋកិច្ចពិសេសភ្នំពេញ ( PPSP) ត្រឹម ២.២៤០៛ អេស៊ីលីដា (ABC) មកត្រឹម ១៦.២២០៛ និងផេសថិក PEPC មកត្រឹម ៣.២៩០៛។
សន្ទស្សន៍ ផ.ម.ក. បានធ្លាក់ចុះបន្តិចបន្តួចផងដែរ ចំនួន០,០៨% មកត្រឹម ៦៤៦,៥៩ ពិន្ទុ។ ទំហំជួញដូរភាគហ៊ុនសរុបមានចំនួន ៦៦០,៥៩ លានរៀល៕រក្សាសិទ្ធិដោយ៖CEN