ភ្នំពេញ ៖ ក្រសួងសុខាភិបាល បានចេញសេចក្ដីជូនដំណឹង ឲ្យដឹងថា គិតត្រឹមព្រឹកថ្ងៃទី១៩ ខែមិថុនា ឆ្នាំ២០២១នេះ ក្រុមគ្រូពេទ្យជំនាញនៅតាមមន្ទីរពេទ្យ បានចេញសេចក្ដីប្រកាសព័ត៌មាន ជាផ្លូវការ បញ្ជាក់ថា អ្នកជំងឺ ២០នាក់បន្ថែមទៀត បានស្លាប់ដោយសារជំងឺកូវីដ-១៩។
ស្របពេលជាមួយគ្នានេះដែរ ក្រសួងសុខាភិបាលក៏បានឲ្យដឹងទៀតថា ក្រុមគ្រូពេទ្យជំនាញ បានរកឃើញអ្នកឆ្លងជំងឺកូវីដ-១៩ថ្មី ចំនួន ៤៧១នាក់ ខណៈអ្នកជំងឺកូវីដ-១៩មុនៗ ត្រូវបានព្យាបាលឲ្យជាសះស្បើយឡើងវិញ ចំនួន ៩២៨នាក់។
សូមបញ្ជាក់ថា ចាប់តាំងពីផ្ទុះកូវីដ-១៩ រហូតដល់ព្រឹក ថ្ងៃទី១៩ ខែមិថុនា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ-១៩ សរុបចំនួន ៤២.០៥២នាក់, ក្នុងនោះ អ្នកជាសះស្បើយសរុបចំនួន ៣៦.៨៦៨នាក់ និងអ្នកស្លាប់ដោយសារជំងឺកូវីដ-១៩ សរុបចំនួន ៤១៤នាក់៕ រក្សាសិទ្ធិដោយ៖ពិសិដ្ឋ CEN
