ភ្នំពេញ ៖ បទចម្រៀង «អនិច្ចាត្នោតខ្មែរ» ពុំត្រឹមតែបង្កប់នូវអត្ថន័យជ្រាលជ្រៅប៉ុណ្ណោះទេ តែបទនេះក៏មានទំនុកចម្រៀង និងចង្វាក់ភ្លេងបែបមនោសញ្ចេតនាដ៏ពិរោះលន្លង់លន្លោច ដែលស្តាប់ទៅមិនចេះជិនណាយនោះឡើយ ហើយអ្វីដែលពិសេសនោះ គឺថាបទចម្រៀងនេះក៏ជាការបកស្រាយដោយកំពូលតារាចម្រៀងជើងចាស់អ្នកស្រី ឆោម ឆវិន ផងដែរ។
ពិតណាស់ បទចម្រៀងមួយបទនេះ គឺគេកម្រឃើញតារាចម្រៀងអាជីពរូបណា ឬ ក៏អ្នកច្រៀងកម្សាន្តតាមផ្ទះ លើកយកមកច្រៀងនោះទេ ព្រោះថា ពិបាកនិងរកអ្នកដែលមានទឹកដមសំឡេងបែបនេះ ដូចទៅនិងអ្នកស្រី ឆោម ឆវិន ណាស់។
តែដោយឡែក វីដេអូមួយថ្មីៗនេះ ឃើញថាមានការចែករំលែក និងសរសើរព្រោងព្រាតតែម្តង ក្រោយពីបានឃើញស្រ្តីម្នាក់ស្រាប់តែបានលើកយកបទនេះមកច្រៀង ដែលស្តាប់ទៅ គឺថាសំឡែងរបស់គាត់មិនចាញ់អ្នកស្រី ឆោម ឆវិន ប៉ុន្មាននោះទេ។
ទន្ទឹមនិងនោះផងដែរ អ្នកលេងបណ្តាញសង្គម ព្រោះតែគ្មានពាក្យអ្វីត្រូវថ្លែងដែលគួរឲ្យទើសចិត្តនោះ គឺម្នាក់ៗបានត្រឹមពោលពាក្យថា៖ «ពិរសោះណាស់ បងស្រីអើយ ពិរោះមិនចាញ់ម្ចាស់បទទេ,….»៕ រក្សាសិទ្ធិដោយ៖ លឹម ហុង
