កំពង់ចាម ៖ ប្រជាជន កំពុងរស់នៅតាមតំបន់ជនបទ ពិសេសស្ត្រីភេទ កំពុងមានការពិបាកក្នុងការដោះស្រាយបញ្ហាប្រឈម ក្នុងជីវភាពរស់នៅប្រចាំថ្ងៃ ដោយមានកង្វះខាតពីការទទួលបានអនាម័យគ្រប់គ្រាន់ កង្វះខាតបន្ទប់ទឹកអនាម័យ និងកង្វះផលិតផលអនាម័យផ្ទាល់ខ្លួន។
វាពិតជាមានសារៈសំខាន់ខ្លាំងណាស់ សម្រាប់សិស្សស្រីៗ ក្នុងការទទួលបាននូវបន្ទប់ទឹកស្អាត និងមានអនាម័យត្រឹមត្រូវ ព្រោះពួកគេត្រូវយកចិត្តទុកដាក់បន្ថែមទៀតទៅលើសុខភាពនិងអនាម័យ។

ដើម្បីជួយធានាឱ្យបាននូវតម្រូវការអនាម័យមូលដ្ឋានរបស់សិស្សានុសិស្សស្រីៗ លីប្រេស្ស (Libresse®) ដែលថែរក្សាសុខភាពស្ត្រី នៅថ្ងៃទី៣០ ខែមិថុនា ឆ្នាំ២០២១ បានបរិច្ចាគបន្ទប់ទឹកអនាម័យចំនួន២ខ្នង មាន៥បន្ទប់ ជូនដល់វិទ្យាល័យ នរោត្តម រណឫទ្ធិ គន្ធាបុប្ផា នៅទីជនបទ ក្នុងខេត្តកំពង់ចាម ជាពិសេសជួយស្ត្រីវ័យក្មេងទាំងនោះ ឱ្យយល់ដឹងពីរូបរាងកាយរបស់ពួកគេ ឱ្យបានកាន់តែច្បាស់ និងមានទំនុកចិត្តលើខ្លួនឯង។
លោកស្រី Su Ting Nee ប្រធានសម្ព័ន្ធក្រុមហ៊ុន វីនដា ប្រចាំនៅតំបន់អាស៊ីអាគ្នេយ៍ បានឱ្យដឹងថា“ នេះគឺជាមធ្យោបាយដ៏មានឥទ្ធិពលមួយដែល ដែលអាចឈានទៅដល់ការកាត់បន្ថយហានិភ័យក្នុងការបោះបង់ចោលការសិក្សារបស់ស្ត្រីវ័យក្មេងទាំងឡាយ។
លោក ប៉ុច ពន្លក ជានាយកសាលានៃវិទ្យាល័យ នរោត្តម រណឬទ្ធិ គន្ធាបុប្ផា បានសម្តែងការដឹងគុណ ចំពោះសម្ព័ន្ធក្រុមហ៊ុន វីនដា ដែលបានផ្តល់បង្គន់អនាម័យ ដោយបានថតជាខ្សែវីដេអូដើម្បីផ្ញើទៅកាន់ លីប្រេស្ស (Libresse®) ដែលផ្តួចផ្តើមគំនិត ក្នុងការចូលរួមចំណែកលើកកំពស់គុណភាពជីវិតរស់នៅរបស់ស្ត្រី ជាពិសេសសារៈសំខាន់សម្រាប់សិស្សស្រី ក្នុងការទទួលបានបន្ទប់ទឹកស្អាត និងមានអនាម័យត្រឹមត្រូវ។

ដោយសារតែស្ថានភាពជម្ងឺកូវីដ-១៩ ក្នុងប្រទេសកម្ពុជា គម្រោងនៃការប្រគល់បន្ទប់ទឹកអនាម័យ ត្រូវបានកែសម្រួលឡើងវិញ ដើម្បីគោរពឱ្យបានខ្ជាប់ខ្ជួននូវគោលការណ៍ណែនាំរបស់រាជរដ្ឋាភិបាលនៃកម្ពុជា ដែលហាមមិនឱ្យមានការជួបជុំក្នុងសហគមន៍៕ រក្សាសិទ្ធិដោយ៖CEN



