តាមរយៈរូបភាពមួយសន្លឹកដ៏រន្ធត់បេះដូង ដែលត្រូវបានថតដោយអ្នកសារព័ត៌មានក្នុងស្រុកមួយ ហើយត្រូវបានចែករំលែកនៅលើបណ្តាញសង្គម Twitter កាលពីពេលថ្មីៗនេះ បានធ្វើឲ្យអ្នកលេងលេងអុីនធើរណែត ពិតជាសម្តែងនូវក្តីសោកសង្រេងជាខ្លាំង ខណៈដែលពេលនេះប្រជាជននៅក្នុងប្រទេសភូមា ក៏កំពុងប្រយុទ្ធប្រឆាំងជាមួយជំងឺ Covid-19 ដោយមួយថ្ងៃ មានចំនួនឆ្លងរហូតដល់ ៥០០០ ពាន់ករណី ឯណោះ។ នេះបើយោងតាអាជ្ញាធរសុខាភិបាលមីយ៉ាន់ម៉ា បាននិយាយកាលពីល្ងាចថ្ងៃចន្ទ។
ប្រភពបានឲ្យដឹងថា ដោយសារតែកង្វះខាតរថយន្តសេវាដឹកសព នៅក្នុងទីក្រុង Mindat ភាគខាងជើងរដ្ឋ Shan ជាហេតុធ្វើឲ្យក្រុមសង្គ្រោះ ត្រូវដឹកសពអ្នកស្លាប់ដោយសារជំងឺកូវីដ តាមម៉ូតូយកទៅកាន់កន្លែងបូជាដោយខ្លួនឯង ឬ ដឹកអ្នកជំងឺទៅកាន់ទៅមន្ទីរពេទ្យ តាមរយៈមធ្យោបាយដឹកជញ្ជូនផ្សេងៗទៀត ដែលអាចធ្វើទៅបាន។
ប្រភពក៏បានបញ្ជាក់ឲ្យដឹងទៀតថា របបយោធាភូមា ក៏បានរារាំង និងរឹតត្បិតជំនួយមនុស្សធម៌ នៅក្នុងទីក្រុង Mindat ផងដែរ៕ រក្សាសិទ្ធិដោយ៖ លឹម ហុង
