ភ្នំពេញ ៖ ដើម្បីទប់ស្កាត់បទល្មើសព្រៃឈើនិងសត្វព្រៃគ្រប់ប្រភេទឆ្លងដែនខុសច្បាប់ រដ្ឋមន្ត្រីក្រសួងបរិស្ថានជំរុញឲ្យស្ថាប័នជាតិ និងអន្តរជាតិ ចូលរួមទប់ស្កាត់បទល្មើសព្រៃឈើ និងសត្វព្រៃឆ្លងដែន។
សន្តិសុខបរិស្ថានជាតិ ជាប្រធានបទនៃសិក្ខាសាលារៀបចំឡើងដោយក្រសួងបរិស្ថាន សហការជាមួយនគរបាលអន្តរជាតិ INTERPOL នៅថ្ងៃអង្គារ ទី២៧ខែមីនា ឆ្នាំ២០១៨ នៅរាជធានីភ្នំពេញ។
ក្នុងពិធីបើកវេទិកានេះ លោកសាយ សំអាល់ រដ្ឋមន្ត្រីក្រសួងបរិស្ថាន បានលើកឡើងថា៖នេះជាលើកទីមួយសម្រាប់ក្រសួងបរិស្ថានក្នុងទំណែទម្រង់នៅលើវិស័យបរិស្ថានឲ្យប្រសើរឡើង ក្នុងការពង្រឹងសមត្ថភាពមន្ត្រីក្រសួងបរិស្ថាននិងរៀបចំឲ្យមានទំនាក់ទំនាក់រវាងស្ថាប័នរដ្ឋដទៃទៀត ក្នុងការចូលរួមក្នុងការទប់ស្កាត់បទល្មើសឆ្លងដែនព្រៃឈើ នឹងសត្វព្រៃ និងរុក្ខជាតិកម្ររជិតផុតពូជ។ លោករដ្ឋមន្ត្រី បានបញ្ជាក់ដែរថា ក្រសួងបរិស្ថាន និងនគរបាល INTERPOL រួមជាមួយស្ថាប័នពាក់ព័ន្ធ អាចចែករំលែកព័ត៌មាន និងការពង្រឹងសមត្ថភាពក្រុមការងារជំនាញ ស្របតាមក្របខ័ណ្ឌគោលនយោបាយ និងច្បាប់ ដើម្បីប្រឆាំងបទល្មើសសត្វព្រៃ និងព្រៃឈើ។
លោកសាយ សំអាល់ បានបន្តថា ការចូលរួមការទប់ស្កាត់ការរត់ពន្ធ ថនិកសត្វ ប្រភេទឈើកម្រ ដែលបាននិងកំពុងតែប្រឈម ដូច្នេះត្រូវតែចូលរួមទប់ស្កាត់ ប្រសិនបើទប់ស្កាត់មិនបាន នឹងក្លាយជាបញ្ហាធំសម្រាប់ប្រទេសកម្ពុជា ទៅថ្ងៃអនាគត។
លោក KITAEK KANG នាយកINTERPOLប្រចាំទីក្រុងបាងកក បានឱ្យដឹងថាសិក្ខាសាលានេះអាច ចែករំលែកបទពិសោធន៍ជំណេះដឹង និងជំនាញ ដើម្បីពិភាក្សាលើអាទិភាពការងារ ក្នុងគោលបំណងរួមគ្នាក្នុងការអនុវត្តច្បាប់ ដែលជាយុទ្ឋសាស្ត្រសម្រាប់កិច្ចសហប្រតិបត្តិការប្រយុទ្ឋប្រឆាំងបទល្មើសបរិស្ថានៅក្នុងតំបន់។
សូមបញ្ជាក់ថាសាលាស្តីពីសន្តិសុខបរិស្ថានជាតិ(បទល្មើសព្រៃឈើ នឹងសត្វព្រៃ)ប្រព្រឹត្តឡើងរយៈ២ថ្ងៃចាប់ពីថ្ងៃទី២៧ ដល់ថ្ងៃទី២៨ ខែមិនា ឆ្នាំ២០១៨ ដែលមានអ្នកជំនាញមកពីក្រសួងបរិស្ថាន ក្រសួងកសិកម្ម រុក្ខាប្រមាញ់ និងនេសាទ អគ្គនាយកដ្ឋានគយ និងរដ្ឋាករកម្ពុជា កងយោធពលខេមរភូមិន្ទ នគរបាលជាតិ នគរបាលINTERPOL អង្គការក្រៅរដ្ឋភិបាលជាតិជាតិ និងអន្តរជាតិ ជាច្រីននាក់បានចូលរួម។
រដ្ឋមន្ត្រីក្រសួងបរិស្ថាន បានជំរុញ ឲ្យស្ថាប័នជាតិនិងអន្តរជាតិបន្តចូលរួមទប់ស្កាត់បន្ថែមទៀត ទៅលើបទ ល្មើសព្រៃឈើ និងសត្វព្រៃឆ្លងដែនខុសច្បាប់ បើទោះកន្លងមកមាន ការបង្ក្រាបបានជាច្រើនករណីហើយក៏ដោយ។ មានតែកិច្ចសហការ និងយកចិត្តទុកដាក់ពីសំណាក់ ស្ថាប័ននានា និងអាជ្ញាធរមានសមត្ថកិច្ច ក្នុងការប្រើប្រាស់កម្លាំង សរុប ដូចជាស្ថាប័នគយនៅតាមច្រកព្រុំដែន និងកំពង់ផែនានាចូលរួម ទប់ស្កាត់បង្ក្រាបបទល្មើសទើបកម្ពុជាទទួលបានជោគជ័យ។ លោកបញ្ជាក់ថា បើនៅតែបន្តមានបទល្មើសព្រៃឈើ និងសត្វព្រៃ នឹងធ្វើអោយប៉ះពាល់ ឬបាត់បង់ធនធានធម្មជាតិដ៏កម្រនៅក្នុងតំបន់ និងពិភលោក ដូច្នេះសិក្ខាសាលារយៈពេលមួយថ្ងៃដែលធ្វើនៅកម្ពុជា នេះ ធ្វើយ៉ាងណាពិភាក្សា រិះរកមធ្យោបាយសមស្រប និងផ្លាស់ប្តូរ បទពិសោធន៍និងព័ត៌មានគ្នាក្នុងការទប់ស្កាត់ការជួញដូរបទល្មើសព្រៃឈើ និងសត្វព្រៃឆ្លងដែនខុសច្បាប់នៅទូទាំងតំបន់ និងពិភពលោក អោយមានប្រសិទ្ធភាពខ្ពស់ ។
លោកបានមានប្រសាសន៍ទៀតថា ពេលនេះជាពេលវេលាសមរម្យ មួយដែលយើងត្រូវងាកទៅរកការប្រយុទ្ធប្រឆាំងបទល្មើសព្រៃឈើ និង សត្វព្រៃឆ្លងដែនខុសច្បាប់ ។ បញ្ហាបទល្មើសព្រៃឈើនិងសត្វព្រៃឆ្លង ដែននេះ គឺកើនឡើងគ្រប់ទីកន្លែង ដូច្នេះយើងទាំងអស់គ្នាគួរសហការ គ្នាចូលរួមទប់ស្កាត់ ។ បទល្មើសដែលជនល្មើសកំពុងតែប្រើមានគ្រប់ កល្បិចទោះតាមរូបភាពដាក់ក្នុងវាល្លី ដាក់ក្នុងកប៉ាល់គ្រប់សព្វបែប យ៉ាងដើម្បីយកសត្វទាំងអស់នោះមកឬយកសត្វទាំងអស់នោះឆ្លងដែនដោយខុសច្បាប់ ។ ប៉ុន្តែសម័យនេះ ជាសម័យបច្ចេកវិទ្យា ជឿនលឿន ដូច្នេះសូមឲ្យសមត្ថកិច្ចគ្រប់ថ្នាក់ ដូចជាសមត្ថកិច្ចគយ នគរបាលសេដ្ឋកិច្ច កងរាជអាវុធហត្ថ និងកម្លាំងយោធា រួមទាំង ក្រសួងបរិស្ថាន និងនគរបាល INTERPOL រួមសហការគ្នា ដើម្បីទប់ស្កាត់ បទល្មើសព្រៃឈើ និងសត្វព្រៃឆ្លងដែនខុសច្បាប់ ។
លោកបានកោតសរសើរដល់កងកម្លាំងសមត្ថកិច្ចទាំងអស់ ជាពិសេស សមត្ថកិច្ចគយ កម្លាំងនគរបាលនៅកំពង់ផែ ដែលបានសហការគ្នាក្នុង ការទប់ស្កាត់បទល្មើស ភ្លុកដំរី ឆ្អឹងខ្លា ដែលបង្ក្រាបបានកន្លងមក ដែលនេះជាបទល្មើសឆ្លងដែនមួយដ៏ធំ ហើយសមត្ថកិច្ចយើងស្រាវ ជ្រាវចាប់បង្ក្រាបបាន ។
លោក ឱម សាវ៉ាត នាយកប្រតិបត្តិនៃអង្គការសម្ព័ន្ធភាព ដើម្បីអភិរក្ស ធនធានធម្មជាតិបានថ្លែងថា ប្រទេសកម្ពុជាមានសក្តានុពលច្រើនក្នុង ការចូលរួមចំណែកកាត់បន្ថយការរត់ពន្ធសត្វព្រៃនិងធនធានធម្មជាតិ ព្រោះថា ធនធានធម្មជាតិខ្លះជាប្រភេទធនធានធម្ម ជាតិដ៏កម្រ ៕ ដោយ ៖ បញ្ញាស័ក្តិ