ភ្នំពេញ ៖ គណៈកម្មាធិការជាតិរៀបចំការបោះឆ្នោត បានចេញសេចក្តីជូនដំណឹង លេខ ០១០ ស្តីពីកាលបរិច្ឆេទ និងចំនួនអាសនៈ នៃការបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ ។
គ.ជ.ប បានប្រកាសប្រាប់ដល់ស្ថាប័ន ពាក់ព័ន្ធ គណបក្សនយោបាយ អង្គការសង្គមស៊ីវិលជាតិ អន្តរជាតិ និងប្រជាពលរដ្ឋខ្មែរ ទូទាំងប្រទេសថា កាលបរិច្ឆេទនៃការបោះឆ្នោតជ្រើសតាំងតំណាងរាស្ត្រ សម្រាប់នីតិកាលទី៦ នៃរដ្ឋសភា ត្រូវបានកំណត់យកថ្ងៃអាទិត្យ ទី២៩ ខែកក្កដា ឆ្នាំ២០១៨ ខាងមុខនេះ ដោយមានអាសនៈចំនួន១២៥ ដែលបែងចែកតាមមណ្ឌលរាជធានីខេត្ត៕ ដោយ៖បញ្ញាស័ក្តិ
