ថ្មីៗនេះ នៅថ្ងៃទី២ ខែកញ្ញា ឆ្នាំ២០២១ ឯកឧត្តម ស ថាវី អនុរដ្ឋលេខាធិកាក្រសួងការពារជាតិ និងលោកជំទាវ ធៀម លីណា បាននាំយកគ្រឿងឧបភោគបរិភោគ ថវិកា ១០ លានរៀល និងព្រមទាំងរបស់ប្រើប្រាស់មានដូចជាអាល់កុល និងម៉ាស់មួយចំនួនធំ ប្រគល់ជូនលោកជំទាវ ហ៊ុន ស៊ីណាត ដើម្បីចូលរួមក្នុងកិច្ចការងារមនុស្សធម៌។
នេះបើតាមការបង្ហោះនៅលើទំព័រហ្វេសប៊ុករបស់លោកជំទាវ ហ៊ុន ស៊ីណាត បានរៀបរាប់ឲ្យដឹងថា ឯកឧត្តម ស ថាវី អនុរដ្ឋលេខាធិកាក្រសួងការពារជាតិ និងលោកជំទាវធៀម លីណា បានជួយគ្រឿងឧបភោគបរិភោគ និងថវិការ ដើម្បីការងារមនុស្សធម៌។ ដោយក្នុងនោះរួមាន 1- ថវិការ 10លានរៀល 2- អង្ករ 5 តោន 3- អាល់កុល 5កានស្មើ150 លីត្រ 4- ម៉ាស់ 5 កេះធំស្មើ 25000 ម៉ាស់ ។
ជាមួយគ្នានេះផងដែរ លោកជំទាវ ហ៊ុន ស៊ីណាត ក៏បានថ្លែងអំណរគុណ និងសូមជូនពរដល់ឯកឧត្តម និងលោកជំទាវ ព្រមទាំងក្រុមគ្រួសារ សូមជួបតែពុទ្ធពរទាំងបួនប្រការគឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕ រក្សាសិទ្ធិដោយ៖ លឹមហុង
