ភាគហ៊ុនអេស៊ីលីដា (ABC) បានបន្តកើនឡើង ២០០ រៀលទៀតនៅពេលផ្សារបិទនៅថ្ងៃចុងសប្តាហ៍នេះ ជាមួយនឹងអត្រាឡើងថ្លៃខ្ពស់ជាងគេក្នុងចំណោមភាគហ៊ុនទាំងឡាយ មកបិទនៅថ្លៃ ១១.៨០០ រៀលក្នុងមួយហ៊ុន។
ទន្ទឹមនឹងនេះដែរ ភាគហ៊ុនចំនួនបីទៀត ដែលរួមមាន រដ្ឋាករទឹកស្វយ័តក្រុងភ្នំពេញ (PWSA) កំពង់ផែស្វយ័តក្រុងភ្នំពេញ (PPAP) កំពង់ផែស្វយ័តក្រុងព្រះសីហនុ ក៏មានកំណើនផងដែរចន្លោះពី ២០រៀល ទៅ ៨០រៀលក្នុងមួយហ៊ុន មកបិទនៅថ្លៃ ៧.០២០រៀល, ១៥.០០០រៀល នងិ ១៣.៦៨០រៀលរៀងគ្នា។
យ៉ាងណាមិញ ហ្ក្រេនធ្វីន (GTI) បានធ្លាក់ចុះ៨០រៀល មកនៅត្រឹម ៤.៤០០រៀល។ តំបន់សេដ្ឋកិច្ចពិសេសភ្នំពេញ (PPSP) និង ផេសថិក (PEPC) បានរក្សាថ្លៃថេរដដែលនៅថ្ងៃសុក្រនេះ។
តម្លៃជួញដូររបស់ភាគហ៊ុន តំបន់សេដ្ឋកិច្ចពិសេសបានធ្លាក់មកត្រឹមកម្រឹតទាបជាងគេក្នុងឆ្នាំនេះ ជាមួយនឹងតម្លៃជួញដូរត្រឹម ១.៨៥៩.៥៦០ រៀល។ តម្លៃជួញដូរសរុបមានចំនួន ៦២៦,៤៣លានរៀល៕ រក្សាសិទ្ធិដោយ ៖ CEN