ភ្នំពេញ ៖ រាជរដ្ឋាភិបាល បានធ្វើការកែសម្រួល និងកំណត់របបឧបឧបត្ថម្ភ លើកទឹកចិត្តក្រុមការងារប្រយុទ្ធនឹងជំងឺកូវីដ-១៩ និងក្រុមការងារចាក់វ៉ាក់សាំងការពារជំងឺកូវីដ-១៩, ដោយក្រុមគ្រូពេទ្យទទទួលបានថវិកាក្នុងម្នាក់ៗ ២០ម៉ឺនរៀល ក្នុង១ថ្ងៃ, បុគ្គលិកអនាម័យ និងកម្មករក្នុងពេលពិនិត្យថែទាំពព្យាបាល ក្នុងម្នាក់ៗ ទទួលបាន ១៤ម៉ឺនរៀល ក្នុង១នាក់, សម្រាប់ថ្លៃអាហារវិញ គឺក្រុមគ្រូពេទ្យ បុគ្គលិកអនាម័យ និងកម្មករ អំឡុងពេលពិនិត្យថែទាំព្យាបាល ទទួលបាន ៦ម៉ឺនរៀល ក្នុង១នាក់ សម្រាប់១ថ្ងៃ។
ចំណែក ក្រុមការងារនៅមន្ទីរពេទ្យ ឬនៅមណ្ឌលព្យាបាលក្នុងពេលធ្វើចត្តាឡីស័ក១៤ថ្ងៃ ក្នុងនោះ ក្រុមគ្រូពេទ្យម្នាក់ ទទួលបាន ១០ម៉ឺនរៀលក្នុង១ថ្ងៃ, បុគ្គលិកអនាម័យ និងកម្មករ អំឡុងពេលការងារធ្វើចត្តាលីស័ក ១៤ថ្ងៃ ទទួួលបាន ៧ម៉ឺនរៀល ក្នុង១នាក់ សម្រាប់១ថ្ងៃ, ថ្លៃអាហារក្រុមគ្រូពេទ្យ បុគ្គលិកអនាម័យ និងកម្មករ ទទួលបាន ៤ម៉ឺនរៀល ក្នុង១នាក់ សម្រាប់១ថ្ងៃ។
ក្រុមការងារនៅមណ្ឌលចត្តាឡីស័កកម្រិត២ រយៈពេល ១៤ថ្ងៃ ក្រុមគ្រូពេទ្យក្នុងពេលពិនិត្យថែទាំព្យាបាល នៅមណ្ឌលចត្តាឡីស័ក ១៤ថ្ងៃ ទទួលបាន ១៤ម៉ឺនរៀល ក្នុង១នានាក់សម្រាប់១ថ្ងៃ, បុគ្គលិកអនាម័យដែលប្រចាំការនៅមណ្ឌលចត្តាឡីស័ក ១៤ថ្ងៃ ទទួលបាន ៧ម៉ឺនរៀល ក្នុង១នាក់ សម្រាប់១ថ្ងៃ។
ក្រុមការងារនៃមន្ទីរពិសោធន៍រកមេរោគកូវីដ-១៩ ដែលទទួលស្គាល់ដោយក្រសួងសុខាភិបាល រួមមាន មន្ត្រីមន្ទីរពិសោធន៍ធ្វើតេស្ត ទទួលបាន ២០ម៉ឺនរៀល ក្នុង១នាក់ ក្នុង១ថ្ងៃ បុគ្គលិកអនាម័យទទួលបាន១៤ម៉ឺនរៀល ក្នុង១នាក់ ក្នុង១ថ្ងៃ។
ក្រុមឆ្លើយតបបន្ទាន់ចុះស្វែងរកអ្នកប៉ះពាល់នឹងយកសំណាកដែលក្នុងមួយក្រុមមានសមាជិកចំនួន ៤នាក់ និងអ្នកបើកបររថយន្ត ១នាក់ ក្នុងនោះ មន្ត្រីឆ្លើយតបបន្ទាន់ទទួលបាន ២០ម៉ឺនរៀល ក្នុង១នាក់ ក្នុង១ថ្ងៃ អ្នកបើកបររថយន្តទទួលបាន ១៤ម៉ឺនរៀល ក្នុង១នាក់ សម្រាប់ ១ថ្ងៃ។
ក្រុមការងារសម្របសម្រួលនិងទទួលទូរស័ព្ទទាន់ហេតុការណ៍ ក្នុងនោះក្រុមការងារសុខាភិបាលសម្របសម្រួលនៅអាកាសយានដ្ឋានអន្តរជាតិភ្នំពេញ មន្ត្រីទទួលបន្ទុកទូរស័ព្ទទាន់ហេតុការណ៍១១៥ ដែលមានភារកិច្ចផ្ដល់ប្រឹក្សា និងទំនាក់ទំនងសាធារណៈឆ្លើយតបនឹងជំងឺកូវីដ១៩ទទួលបាន១០ម៉ឺនរៀល ក្នុង១នាក់ ក្នុង១ថ្ងៃ, ក្រុមសម្របសម្រួលប្រចាំនៅទីស្តីការក្រសួងទទួលបាន៦ម៉ឺនរៀល ក្នុង១នាក់ ក្នុង១ថ្ងៃ ក្រុមសម្របសម្រួលនៅប្រចាំការនៅមន្ទីរសុខាភិបាលរាជធានី ខេត្តត្រូវមានសមាជិកបានច្រើន៥នាក់ទទួលបាន៦ម៉ឺនរៀល ក្នុង១នាក់ ក្នុង១ថ្ងៃ, ក្រុមផ្ដល់សេវាព្យាបាលតាមផ្ទះ ក្នុងនោះប្រើប្រាស់ក្រុមការងារហត់ឡាញរាជធានីខេត្តទទួលបាន១០ម៉ឺនរៀល ក្នុង១នាក់ ក្នុង១ថ្ងៃ។ ចំពោះថ្លៃរបបអាហារសម្រាប់អ្នកជំងឺកូវីដ១៩នៅភ្នំពេញនិងខេត្តទទួលបាន៣ម៉ឺនរៀល ក្នុង១នាក់ ក្នុង១ថ្ងៃ។
ក្រុមការងារទទួលទូរស័ព្ទទាន់ហេតុការណ៍នៅថ្នាក់រាជធានី -ខេត្ត និងកងកម្លាំងប្រដាប់អាវុធគ្រប់ប្រភេទរបបប្រចាំថ្ងៃឬប្រចាំខែរាជធានី ខេត្តទទួលររ៉ាប់រង៕ រក្សាសិទ្ធិដោយ ៖ ពិសិដ្ឋ CEN
