ភ្នំពេញ ៖ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ ឯកឧត្តម កុយ គួង បានឲ្យដឹងថា ឯកអគ្គរាជទូតកម្ពុជាប្រចាំម៉ាឡេស៊ី រួមជាមួយក្រុមការងារស្ថានទូត នៅថ្ងៃទី០៨ ខែកញ្ញា ឆ្នាំ២០២១ នេះ បានចុះសួរសុខទុក្ខ និងនាំយកកញ្ចប់ស្បៀងអាហារ ចែកជូនប្រជាជនកម្ពុជា ចំនួន ១០០គ្រួសារ នៅតំបន់ Mur រដ្ឋចូហូរ ដែលំពុងជួបការខ្វះខាត ក្នុងអំឡុងពេលប្រទេសម៉ាឡេស៊ី បានបិទខ្ទប់ប្រទេស និងបន្តរិតបន្តឹង វិធានការក្នុង ការប្រយុទ្ធប្រឆាំង នឹងជំងឺកូវីដ -១៩។
អ្នកនាំពាក្យក្រសួងការបរទេសកម្ពុជា បានបន្តទៀតថា ក្នុងឱកាសចុះសួរសុខទុក្ខនេះដែរ ឯកអគ្គរាជទូតកម្ពុជាប្រចាំម៉ាឡេស៊ី បានជួយឧបត្ថម្ភថវិកា មួយចំនួនដល់ស្ត្រីមានផ្ទៃពោះ ចំនួន ១២នាក់ និងអ្នកជំងឺមហារីក១នាក់ផងដែរ៕ រក្សាសិទ្ធិដោយ ៖ ចេស្តារ
