Friday, May 31, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

សម្តេច​តេជោ ហ៊ុន សែន​ជួបពិភាក្សា​ជាមួយ​នាយក​រដ្ឋមន្ត្រី​វៀតណាម ជំរុញ​ពាណិជ្ជកម្ម​

spot_img

​សៀមរាប ​៖ លោកនាយក​រដ្ឋមន្ត្រី​វៀតណាម ក៏​បាន​ជម្រាបជូន​សម្តេច​តេជោ អំពីរ​កិច្ចសហប្រតិបត្តិកា​រណ៍​រវាង​ប្រទេស​ទាំង​ពីរ ដែល​មាន​ការរីកចម្រើន​ជា​លំដាប់ ជាពិសេស​ទំហំ​ពាណិជ្ជកម្ម​រវាង​ប្រទេស​ទាំង​ពីរ​បាន​កើន​ឡើង​ជាង ៤​ពាន់​លាន​ដុល្លារ ។​

​នៅ​ល្ងាច​ថ្ងៃ​ពុធ​ទី​៤ ខែ​មេសា ឆ្នាំ​២០១៨​នេះ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​អញ្ជើញ​ជួបពិភាក្សា​ទ្វេរ​ភាគី​ជា​មួយ​លោក Nguyen Xuan Phuc នាយករដ្ឋមន្ត្រី​នៃ​សាធារណរដ្ឋ​សង្គមនិយម​វៀតណាម នៅ​សណ្ឋាគារ​សុខា ខេត្តសៀមរាប​។​

​លោក នាយករដ្ឋមន្ត្រី Nguyen Xuan Phuc បាន​ថ្លែងអំណរគុណ​ចំពោះ​សម្តេច​តេជោ និង​រាជរដ្ឋាភិបាល​កម្ពុជា ដែល​បាន​ស្វាគមន៍​ប្រតិភូ​វៀតណាម​យ៉ាង​កក់ក្តៅ​ជាទីបំផុត​។ លោក ក៏​បាន​សម្តែង នូវ​ការអបអរសាទរ និង​ជូនពរ​ចំពោះ​សម្តេច​តេជោ ក្នុងឱកាស​ថ្ងៃ​ខួបកំណើត​សម្តេច​តេជោ នាយករដ្ឋមន្ត្រី​គំរប់​ខួប​៦៧ ឈានចូល​៦៨​ឆ្នាំ ហើយ​ក៏​សូម​អបអរសាទរ និង​ជូនពរ សម្តេច​តេជោ និង សម្តេច​កិត្តិ​បណ្ឌិត ព្រមទាំង ក្រុម​គ្រសារ ក៏ដូចជា​ប្រជាពលរដ្ឋ​កម្ពុជា​ទាំងមូល ក្នុង​ឱកាស​បុណ្យចូលឆ្នាំ​ថ្មី​ខាងមុខនេះ សូម​ឲ្យ​សម្តេច​តេ​ជោ និង​ប្រជាពលរដ្ឋ​ទាំងមូល​ទទួលបាន​នូវ​សេចក្តីសុខ​ចម្រើន​។​

​នៅក្នុង​ជំនួប​នេះ​ដែរ លោកនាយក​រដ្ឋមន្ត្រី ក៏​បាន​ថ្លែងអំណរគុណ​ចំពោះ សម្តេច​តេជោ ដែល​បាន​ចូលរួម​សន្និសីទ GMS និង CLV នៅ​ប្រទេស​វៀតណាម​កន្លងទៅ​ថ្មីៗ​នេះ​។ លោក នាយករដ្ឋមន្ត្រី ក៏​បាន​មានប្រសាសន៍ថា​ខ្លឹមសារ​សុន្ទរកថា​របស់​សម្តេច​តេជោ កាល​នោះ​ខ្លី​តែ​មាន​អត្ថន័យ​ពេញលេញ​គ្រប់​ជ្រុងជ្រោយ​ទាំងអស់ ហើយ​ក៏​សូម​ថ្លែងអំណរគុណ​សម្តេច​តេជោ ផងដែរ ក្នុង​ការចូលរួម​កិច្ចប្រជុំ​ធុរៈកិច្ច ហើយក៏​បាន​ចុះហត្ថលេខា​លើក​ការមិន​យកពន្ធ​ត្រួតគ្នា ដែល​នេះ​ជា​ឱកាស​មួយ​បាន​បើក​បង្ហាញ​លើ​ទឹកចិត្ត​វិនិយោគិន​មក​វិនិយោគ​នៅ​វៀតណាម និង​កម្ពុជា​កាន់តែ​ច្រើន​ឡើង​។​

​លោក នាយករដ្ឋមន្ត្រី Nguyen Xuan Phuc ក៏​បាន​គោរព​វាយ​តំលៃ​ខ្ពស់​ចំពោះ កិច្ចប្រជុំ​លើក​ទី​៣​នៃ​គណៈកម្មការ​ទន្លេមេគង្គ​នេះ ដែល​កិច្ចប្រជុំ​នេះ​គឺជា​ព្រឹត្តិការណ៍​ដ៏​សំខាន់​មួយ ក្នុង​ការជំរុញ​កិច្ចអភិវឌ្ឍន៍​កិច្ចព្រមព្រៀង​អាង​ទន្លេមេគង្គ និង​ការគ្រប់គ្រង​ទន្លេមេគង្គ​ប្រកបដោយ​និរន្ត​ភាព​។ លើ​ពី​នោះ​ទៅ​ទៀត លោកនាយក​រដ្ឋមន្ត្រី ក៏​បាន​ជម្រាបជូន​សម្តេច​តេជោ អំពីរ​កិច្ចសហប្រតិបត្តិកា​រណ៍​រវាង​ប្រទេស​ទាំង​ពីរ ដែល​មាន​ការរីកចម្រើន​ជា​លំដាប់ ជាពិសេស​ទំហំ​ពាណិជ្ជកម្ម​រវាង​ប្រទេស​ទាំង​ពីរ​បាន​កើន​ឡើង​ជាង ៤​ពាន់​លាន​ដុល្លារ ដែល​កើនឡើង​ប្រមាណ​ជាង​២៥% ហើយ​ការវិនិយោគ​រវាង​ប្រទេស​ទាំង ក៏​មាន​ការកើនឡើង​កាន់​តែ​ខ្លាំង​ផង​ដែរ​។ ឯកឧត្ដម​នាយករដ្ឋមន្ត្រី បាន​បន្ថែមទៀតថា តាមរយៈ​ការចុះ​ហត្តលេខា​មិន​យកពន្ធ​ត្រួត​គ្នា​កន្លង​មកនោះ នឹង​ជួយ​ជំរុញ​ការវិនិយោគ និង​ទំហំ​ពាណិជ្ជកម្ម​ឲ្យ​កាន់តែ​រីកចម្រើន​ថែម​ទៀត​។​

​ឆ្លៀត​ក្នុង​ឱកាស​នោះ​ផង​ដែរ ឯកឧត្ដម​នាយករដ្ឋមន្ត្រី ក៏​បាន​ស្នើសុំ​ឲ្យមាន​កិច្ចសហប្រតិបត្តិកា​រ​បន្ថែម​ទៀត ក្នុង​ការផ្លាស់ប្តូរ​ព័ត៌មាន​គ្នា​ឲ្យ​កាន់តែ​ខ្លាំងក្លា​បន្ថែមទៀត​ជៀសវាង ការទទួល​ព័ត៌មាន​មិន​ពិត​។​

​សម្តេច​តេជោ ហ៊ុន សែន ក៏​បាន​អរគុណ​ចំពោះ ឯកឧត្ដម​នាយករដ្ឋមន្ត្រី Nguyen Xuan Phuc ដែល​បាន​ជូនពរ​សម្តេច​ក្នុងឱកាស​ខួបកំណើត​នៅថ្ងៃនេះ និង​ប្រជាពលរដ្ឋ​ទាំងមូល​ផង​ដែរ ក្នុងឱកាស​ចូលឆ្នាំថ្មី​ប្រពៃណី​ជាតិខ្មែរ​នា​ពេលខាងមុខ​នេះ​។ សម្តេច​តេជោ បាន​ឯកភាព​ជាមួយ ឯកឧត្ដម​នាយករដ្ឋមន្ត្រី ចំពោះ​កិច្ចសហប្រតិបត្តិកា​ររ​វា​ង​ប្រទេស​ទាំង​ពីរ​ក្នុង​ក្របខណ្ឌ GMS និង CLV កន្លងមក រួម​នឹង​ការ​វាយ​តំលៃ​លើក​វិស័យសេដ្ឋកិច្ច ការកើនឡើង​នៃ​ទំហំ​ពាណិជ្ជកម្ម​រវាង​ប្រទេស​ទាំង​ពីរ ប៉ុន្តែ​សម្តេច​តេជោ បាន​មាន​ប្រសាសន៍​​បន្ថែម​ថា យើង​គប្បី​ពិនិត្យមើល និង​បង្កលក្ខណៈ​ថែមទៀត​ដើម្បី​ការធ្វើ​ទំនាក់​នង​អាជីវកម្ម​រវាង​ប្រជាពលរដ្ឋ និង​ប្រជាពលរដ្ឋ​ឲ្យ​កាន់តែ​ខ្លាំងឡើង​បន្ថែមទៀត​ជាពិសេស​នៅ​តាម​តំបន់​ព្រំដែន​។​

​សម្តេច​តេជោ នាយករដ្ឋមន្ត្រី សង្ឃឹម​យ៉ាង​មុតមាំ​ថា បន្ទាប់​ពី​ការចុះហត្ថលេខា​មិន​យកពន្ធ​ត្រួត​គ្នា​នេះ​នឹង​ធ្វើអោយ​ទំហំ​ពាណិជ្ជកម្ម និង​ការវិនិយោគ​នៃ​ប្រទេស​ទាំង​២ មាន​កើនឡើង​កាន់តែខ្លាំង​បន្ថែមទៀត​៕ ​ដោយ ​៖​ បញ្ញា​ស័ក្តិ​

spot_img
×