ភ្នំពេញ ÷ បុរសម្នាក់បានបើករថយន្តម៉ាកVIGO ក្នុងល្បឿនលឿនបានរេចង្កូត ខ្វះការប្រុងប្រយ័ត្នបានរេចង្កូតជ្រុលទៅបុ.ករបាំងថ្មពុះចែកទ្រូងផ្លូវ ពេញទំហឹងបណ្តាលឲ្យគៀបជាប់តៃកុង ក្នុងរថយន្ត បានពលរដ្ឋវា.យបំបែកកញ្ចក់ ជួយចេញមកក្រៅ ដឹកយកទៅសង្រ្គោះបន្ទាន់ភ្លាមៗ។
ហេតុការណ៍គ្រោះថ្នាក់ចរាចរណ៍នេះដែរ បានកើតឡើងកាលពីវេលាម៉ោង ១២រំលងអធ្រាត្រឈានចូលថ្ងៃទី ១០ខែវិច្ឆិកា ឆ្នាំ ២០២១ ស្ថិតនៅតាមបណ្ដោយផ្លូវជាតិលេខ២ ចំណុចស្តុបទល់មុខវត្តចាក់អង្រែក្រោម ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
ប្រភពព័ត៌មានពីពលរដ្ឋនៅកន្លែងកើតហេតុ បានប្រាប់ឲ្យដឹងថា មុនកើតហេតុគេបានឃើញបុរសម្នាក់ បើករថយន្តម៉ាកVIGO ពាក់ផ្លាកលេខរដ្ឋ 02 2.2263 មួយគ្រឿង បើកតាមបណ្ដោយផ្លូវជាតិលេខ ២ ក្នុងទិសដៅពីត្បូងមកជើងក្នុងល្បឿនលឿន ខណៈមកដល់ចំណុចកើតហេតុខាងលើ នៅស្តុបទល់មុខវត្តចាក់អង្រែក្រោម ក៏បានរេចង្កូតរថយន្តទៅបុ.ករបាំងថ្មពុះចែកទ្រូងផ្លូវ ពេញទំហឹងបា.ក់មួយកង់ បណ្តាលឱ្យរថយន្តខ្ទេ.ចមួយកំណាត់មុខ និងគៀបតៃកុងជាប់ក្នុងការប៊ីន សំណាងបានពលរដ្ឋជួយវា.យបំបែកកញ្ចក់ ជួយចេញមកក្រៅហៅរថយន្តសាមុយ ដឹកយកទៅសង្រ្គោះភ្លាមៗផងដែរ។
ក្រោយកើតហេតុខាងលើ សមត្ថកិច្ចមូលដ្ឋានសហការ ជាមួយនឹងផ្នែកជំនាញចរាចរណ៍ ចុះមកដល់រួចក៏ទំនាក់ទំនង ទៅផ្នែកជំនាញចរាចរណ៍ក្រុង ឱ្យចុះមកវាស់វែងយករថយន្តស្ទូច មកស្ទូចយករថយន្តបង្កខាងលើ ទៅរក្សាទុកនៅខាងការិយាល័យចរាចរណ៍ជំនាញផ្លូវគោក នៃស្នងការនគរបាលរាជធានីភ្នំពេញ រង់ចាំដោះស្រាយនៅពេលក្រោយ៕ រក្សាសិទ្ធិដោយ ៖ សា មេត
