Wednesday, February 21, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

កិច្ចសហប្រតិបត្តិការ​រវាង​អាស៊ាន​-​កូរ៉េ ជាមួយ​ប្រទេស​សមាជិក​អាស៊ាន​ត្រូវបាន​ពង្រឹង និង​ពង្រីក​លើ​គ្រប់​វិស័យ ទៅលើ​វិស័យ​ពាណិជ្ជកម្ម វិនិយោគ សំណង់ វប្បធម៌ ទេសចរណ៍​

spot_img

​កូរ៉េ​៖ កិច្ចសហប្រតិបត្តិការ​រវាង​អាស៊ាន​-​កូរ៉េ ក៏​ដូចជា​កិច្ច​សហ​ប្រិត​បត្តិការ​ទ្វេភាគី​រវាង​កូរ៉េ ជាមួយ​ប្រទេស​សមាជិក​អាស៊ាន​នីមួយៗ ត្រូវបាន​ពង្រឹង និង​ពង្រីក​លើ​គ្រប់​វិស័យ​ពី​មួយ​ឆ្នាំ​ទៅ​មួយ​ឆ្នាំ ទៅលើ​វិស័យ​ពាណិជ្ជកម្ម វិនិយោគ សំណង់ វប្បធម៌ ទេ​សច​រណ៍ជា​ដើម ដើម្បី​បង្កើតឲ្យមាន​ការ​ផ្លាស់​ប្តូរ​វប្បធម៌​រវាង​អាស៊ាន​-​កូរ៉េ ព្រមទាំង​ធ្វើ​ឲ្យបាន​ប្រសើរ​នូវ​ការយោគយ​ល់គ្នា​ទៅវិញទៅមក តាមរយៈ​ការទំនាក់ទំនង​រវាង​ប្រជាជន និង​ប្រជាជន ។​

កាលពី​ថ្ងៃ​ទី​២៣ ខែ​មេសា ឆ្នាំ​២០១៨ ក្នុងនាម​ឯក​អគ្គរាជ​/​រដ្ឋទូត​អាស៊ាន​ទាំង ១០ ប្រចាំ​នៅ​សាធារណរដ្ឋ​កូរ៉េ​លោក ឡុង ឌី​ម៉ង់ ឯកអគ្គរាជទូត​នៃ​ព្រះរាជាណាចក្រ​កម្ពុជា បាន​ថ្លែង​សុរន្ទកថា​អបអរសាទរ ចំពោះ ​Lee Hyuk អគ្គលេខាធិការ​ថ្មី​នៃ​មជ្ឃមណ្ឌល​អាស៊ាន​-​កូរ៉េ ហើយ​ក្នុង​ឱកាស​នោះដែរ ក៏​មាន​ការចូលរួម​ថ្លែង​សុរន្ទកថា អបអរសាទរ​ពី​លោកស្រី Kang Kyung-Wha រដ្ឋមន្ត្រីការបរទេស​នៃ​សាធារណរដ្ឋ​កូរ៉េ ផងដែរ​។​

លោក ឡុង ឌី​ម៉ង់​បាន​បន្តថា ចាប់តាំងពី​ការបង្កើត​ដៃគូ​ពិគ្រោះ​យោបល់​នៅ​ឆ្នាំ ១៩៨៩ កិច្ចសហប្រតិបត្តិការ​រវាង​អាស៊ាន​-​កូរ៉េ ក៏​ដូចជា​កិច្ច​សហ​ប្រិត​បត្តិការ​ទ្វេភាគី​រវាង​កូរ៉េ ជាមួយ​ប្រទេស​សមាជិក​អាស៊ាន​និមួយៗ ត្រូវបាន​ពង្រឹង និង​ពង្រីក​លើ​គ្រប់​វិស័យ​ពី​មួយ​ឆ្នាំ​ទៅ​មួយ​ឆ្នាំ មាន​ដូចជា​វិស័យ​ពាណិជ្ជកម្ម វិនិយោគ សំណង់ វប្បធម៌ ទេ​សវ​រណ៏​។​ល​។ បច្ចុប្បន្ន​នេះ​ទំនាក់ទំនង និង​កិច្ច​សហ​ប្រតិបត្តិការ​ស្ទើរតែ​ក្លាយទៅជា​ដៃគូ​យុទ្ឋសាស្ត្រ​ទូលំទូលាយ​។ អាស៊ាន​សូម​កោតសរសើរ​នូវ​តួនាទី និង​ការរួមចំណែក​ដ៏​សកម្ម​របស់​រដ្ឋាភិបាល​នៃ​សាធារណរដ្ឋ​កូរ៉េ ចំពោះ​ការជួយឩ​ប​ត្ថ​ម្ភ​គាំទ្រ​ដល់​អាស៊ាន ក្នុង​ក្របខ័ណ្ឌ​នៃ​កិច្ចសហប្រតិបត្តិការ​រួម​គ្នា​សំដៅ​បង្កើន​វិបុលភាព​និង​សុខដុម​រមណីយ​កម្ន​ក្នុង​តំបន់ ។​

Advertisements

គួរបញ្ជាក់ ផងដែរ​ថា មជ្ឃមណ្ឌល​អាស៊ាន​-​កូរ៉េ គឺជា​អង្គការ​អន្តររដ្ឋាភិបាល​មួយ​ដែល​បង្កើតឡើង​នៅ​ឆ្នាំ​២០០៩ រួម​មាន​អាស៊ាន​ទាំង ១០ ប្រទេស និង កូរ៉េ ។ មជ្ឃមណ្ឌល​នេះ​មាន​តួនាទី​ជំរុញ​នូវ​ទំហំ​ពាណិជ​កម្ម ពន្លឿន​លំហូ​វិនិយោគ ជំរុញ​វិស័យ​ទេសចរណ៍ បង្កើតឲ្យមាន​ការ​ផ្លាស់​ប្តូរ​វប្បធម៌​រវាង​អាស៊ាន​-​កូរ៉េ ព្រមទាំង​ធ្វើ​ឲ្យបាន​ប្រសើរ​នូវ​ការយោគយ​ល់គ្នា​ទៅវិញទៅមក តាមរយៈ​ទំនាក់ទំនង​រវាង​ប្រជាជន និង​ប្រជាជន ៕​ ដោយ​៖​បញ្ញា​ស័ក្តិ​

spot_img
×