ភ្នំពេញ ៖ សមត្ថកិច្ចនគរបាលល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ កាលពីថ្ងៃទី ៤ ខែ មករា ឆ្នាំ ២០២២ បានចាប់ និង បញ្ជូនខ្លួន បុរសសង្ស័យ ជនជាតិវៀតណាមម្នាក់ ទៅតុលាការរាជធានីភ្នំពេញ ជាប់ពាក់ព័ន្ធនឹងការរក្សាទុក និង ជួញដូរគ្រឿងញៀន
ជិត២០០គីឡូក្រាម នៅក្នុងរាជធានីភ្នំពេញ។
មន្ត្រីសមត្ថកិច្ចនគរបាលប្រឆាំងគ្រឿងញៀន បានឲ្យដឹងថា ជនសង្ស័យ រូបនេះ មានឈ្មោះ Luu Tung Huy ភេទប្រុស អាយុ ២៥ ឆ្នាំ ជនជាតិវៀតណាម ។
ជនសង្ស័យ ត្រូវបានចាប់ឃាត់ខ្លួន កាលពីយប់ ថ្ងៃទី ៣០ ខែ ធ្នូ ឆ្នាំ ២០២១ នៅចំណុច ខុនដូ ជាន់ទី ៣ ផ្លូវ១០៥ សង្កាត់បឹងកេងកង២ ខណ្ឌបឹងកេងកង រាជធានីភ្នំពេញ។
សមត្ថកិច្ចនគរបាលប្រឆាំងគ្រឿងញៀន ដកហូតបាន គ្រឿងញៀន សរុបចំនួន ១៨១,៣៧០ក្រាម៕ រក្សាសិទ្ធិដោយ ៖ ចន្ទា ភា
