ភ្នំពេញ ៖ នៅព្រឹកថ្ងៃទី២៤ ខែកុម្ភៈ ឆ្នាំ២០២២ កម្លាំងនគរបាលជំនាញនៃអធិការខណ្ឌដង្កោ បានបើកការស្រាវជ្រាវឃាត់ខ្លួនជនសង្ស័យ បាន៣នាក់ជាបន្តបន្ទាប់ ដែលបានធ្វើសកម្មភាព វា.យ កា.ប់ គំរា.មយកម៉ូតូយ៉ាងសកម្មនៅខណ្ឌដង្កោ។
ជនរងគ្រោះឈ្មោះ ថុល វណ្ណា ភេទប្រុស អាយុ៣២ឆ្នាំ ជនជាតិខ្មែរ មុខរបរជាងដែក ទីលំនៅភូមិរការកុះ សង្កាត់ព្រៃស ខណ្ឌដង្កោ រាជធានីភ្នំពេញ ។
ជនសង្ស័យដែលឃាត់ខ្លួនបាន០៣នាក់ ទី១/ឈ្មោះ ហេង សេងហៃ ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិទួលសំបូរ សង្កាត់ព្រៃវែង ខណ្ឌដង្កោ រាជធានីភ្នំពេញ ទី២/ឈ្មោះ រុន រា ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួលភូមិត្នោតជ្រុំ៥ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ទី០៣ឈ្មោះ ភាព សុខហេង ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ភូមិត្នោតជ្រុំ៥ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ។
វត្ថុតាងចាប់យក៖ ១/ម៉ូតូមួយគ្រឿងម៉ាកហុងដាសេ១២៥ ពណ៌ខ្មៅ សេរីឆ្នាំ២០១៧ ពាក់ផ្លាកលេខភ្នំពេញ 1GM-6794 ២/កាំបិតកែច្នៃចំនួន០១, ៣/កាំបិតប៉័ងតោចំនួន០១, ៤/ទូរស័ព្ទដៃម៉ាកOPPO ពណ៌ទឹកមាសចំនួន០១គ្រឿង ។
សមត្ថកិច្ចបានអោយដឹងទៀតថា កាលពីថ្ងៃទី១៩ ខែកុម្ភៈ ឆ្នាំ២០២២ វេលាម៉ោង២៣និង០០នាទី ជនរងគ្រោះឈ្មោះ ថុល វណ្ណា ភេទប្រុស អាយុ៣២ឆ្នាំ បានជិះម៉ូតូម៉ាកហុងដាសេ១២៥ ពណ៌ខ្មៅ សេរីឆ្នាំ២០១៧ ពាក់ផ្លាកលេខភ្នំពេញ 1GM-6794 ចេញពីកន្លែងផឹកស៊ីនៅដីវាល ស្ថិតនៅភូមិម្ភៃបួន សង្កាត់ព្រៃស ខណ្ឌដង្កោ រាជធានីភ្នំពេញ ត្រឡប់ទៅផ្ទះ ស្ថិតនៅភូមិរកាកុះ សង្កាត់ព្រៃស ខណ្ឌដង្កោ រាជធានីភ្នំពេញ ។ ពេលជនរងគ្រោះជិះម៉ូតូដល់ផ្លូវលំ ស្ថិតនៅភូមិរកាកុះ សង្កាត់ព្រៃស ខណ្ឌដង្កោ រស្រាប់តែម៉ូតូបែកកង់ រួចជនរងគ្រោះក៏ចុះបណ្តើរម៉ូតូពេលនោះក៏មានជនសង្ស័យចំនួន០៣នាក់ ជិះម៉ូតូ០១គ្រឿងម៉ាក ឃ្យូប៊ីក ពណ៌ក្រហម មិនស្គាល់ផ្លាកលេខ មកធ្វើសកម្មភាពប្រើដុំថ្មវ៉ៃក្បាលជនរងគ្រោះ ត្រូវចំថ្ងាសបណ្តាលឱ្យបែកហូរឈាម រួចជនសង្ស័យឈ្មោះ រុន រា បានចុះទៅលើកម៉ូតូរបស់ជនរងគ្រោះជិះទាំងបែកកង់ គេចខ្លួនទៅផ្ទះរបស់ជនសង្ស័យឈ្មោះ ហេង សេងហៃ ។ រហូតដល់ថ្ងៃទី២៣ ខែកុម្ភៈ ឆ្នាំ២០២២ វេលាម៉ោង២៣និង០០នាទី ជនសង្ស័យឈ្មោះ ហេង សេងហៃ បានជិះម៉ូតូម៉ាកខាងលើ យកទៅរកកន្លែងលក់នៅម្តុំផ្សារសាំហាន់ ស្ថិតនៅសង្កាត់ទួលសង្កែ ខណ្ឌឬស្សីកែវ ក៏ត្រូវសមត្ថកិច្ចនគរបាលខណ្ឌដង្កោ សហការជាមួយប៉ុស្តិ៍នគរបាលរដ្ឋបាលទួលសង្កែ ធ្វើការឃាត់ខ្លួនបានជនសង្ស័យឈ្មោះ ហេង សេងហៃ រួមនិងវត្ថុតាង ១/ម៉ូតូម៉ាកហុងដាសេ១២៥ ពណ៌ខ្មៅ សេរីឆ្នាំ២០១៧ ពាក់ផ្លាកលេខភ្នំពេញ 1GM-6794 ២/កាំបិតកែច្នៃចំនួន០១ យកមកធ្វើការសាកសួរនៅប៉ុស្តិ៍នករបាលរដ្ឋបាលព្រៃសតាមនីតិវីធីច្បាប់ ។
ក្រោយពីធ្វើការសាកសួរជនសង្ស័យឈ្មោះ ហេង សេងហៃ បានឆ្លើយសារភាពប្រាប់សមត្ថកិច្ចយើងឱ្យស្គាល់ អំពីទីកន្លែងលាក់ខ្លួន របស់បក្ខពួកចំនួន០២នាក់ទៀត រួចនៅវេលាម៉ោង០៩និង០០នាទី ថ្ងៃទី២៤ ខែកុម្ភៈ ឆ្នាំ២០២២ សមត្ថកិច្ចយើងបានទៅសហការ ជាមួយសមត្ថកិច្ចនគរបាលខណ្ឌមានជ័យ ធ្វើការឃាត់ខ្លួនបានជនសង្ស័យចំនួន០២នាក់ទៀតទី០១ឈ្មោះ រុន រា ទី០២ឈ្មោះ ភាព សុខហេង រួមនិងវត្ថុតាង កាំបិតប៉័ងតោចំនួន០១ និងទូរស័ព្ទដៃមាក OPPO ពណ៌ទឹកមាសចំនួន០១គ្រឿង យកមកធ្វើការសាកសួរនៅអធិការដ្ឋាននគរបាលខណ្ឌដង្កោ តាមនីតិវិធីច្បាប់។
បន្ទាប់ពីធ្វើការសាកសួរជនសង្ស័យទាំង០៣នាក់ បានឆ្លើយសារភាពប្រាប់សមត្ថកិច្ចងាពួកគេ (ជនសង្ស័យ) ពិតជាបានធ្វើសកម្មភាពប្រើដុំថ្មវា.យប្ល.ន់យកម៉ូតូរបស់ជនរងគ្រោះប្រាកដមែន ទើបជនរងគ្រោះក៏បានដាក់ពាក្យបណ្តឹងចំឈ្មោះជនសង្ស័យ ដើម្បីឱ្យសមត្ថកិច្ចចាត់ការតាមផ្លូវច្បាប់តែម្តង។ បច្ចុប្បន្នជនសង្ស័យទាំង៣នាក់ខាងលើ កំពុងតែឃាត់ខ្លនបណ្តោះអាសន្ន នៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿងបញ្ជូន ទៅកាន់តុលការចាត់ការបន្តតាមនីតិវិធី៕ រក្សាសិទ្ធិដោយ ៖ សួង សាម
