ទស្សនាវដ្ដី Forbes បាននិយាយថា លោក Alisher Usmanov ត្រូវបានដាក់ក្នុងបញ្ជីទណ្ឌកម្មដោយសហភាពអឺរ៉ុប (EU) កាលពីថ្ងៃទី២៨ ខែកុម្ភៈ។ ហើយពីរថ្ងៃក្រោយមក នាវាកម្សាន្ត Dilbar ប្រវែង ១៥៦ ម៉ែត្រ ដែលមានតម្លៃជិត ៦០០ លានដុល្លារ របស់មហាសេដ្ឋីរុស្ស៊ីរូបនេះ ត្រូវបានរឹបអូសដោយអាជ្ញាធរអាល្លឺម៉ង់នៅទីក្រុង Hamburg។
Dilbar បានស្ថិតនៅក្នុងកន្លែងផលិតកប៉ាល់ Hamburg នៃ Blohm + Voss (ប្រទេសអាល្លឺម៉ង់) ចាប់តាំងពីចុងខែតុលា ឆ្នាំមុន ដើម្បីធ្វើការជួសជុល។ តែទោះជាយ៉ាងណាក៏ដោយ អាជ្ញាធរអាល្លឺម៉ង់ “បានបង្កក” ទូកទេសចរណ៍នេះ ដែលបណ្តាលឱ្យកម្មករឈប់ធ្វើការនៅថ្ងៃទី២ ខែមីនា។
តំណាង Blohm + Voss និង Mr. Usmanov មិនបានឆ្លើយតបនោះទេ នៅពេលទាក់ទងសុំការបំភ្លឺជុំវិញរឿងនេះ។
លោក Usmanov បានទិញ Dilbar ពីក្រុមហ៊ុន Lürssen Shipbuilding (ប្រទេសអាល្លឺម៉ង់) ក្នុងឆ្នាំ ២០១៦ បន្ទាប់ពីបានផ្លាស់ប្ដូរតាមបំណងជាង ៥២ ខែ។ ក្រុមហ៊ុនហៅកប៉ាល់នេះថាជា «សំណង់ស្មុគស្មាញបំផុតមួយ»។ កប៉ាល់មានទម្ងន់ 15,917 តោន នេះត្រូវបានចាត់ទុកថាជាទូកចតធំជាងគេបំផុតនៅលើពិភពលោក ដោយទម្ងន់សរុបរបស់វា និងត្រូវការនាវិកចំនួន ៩៦ នាក់ ដើម្បីដំណើរការ។
Dilbar មានអាងហែលទឹកដ៏ធំបំផុត មិនធ្លាប់មាន នៅលើវាអាចផ្ទុក ឧទ្ធម្ភាគចក្រ ២ គ្រឿង សូណា ស្ប៉ា និងកន្លែងហាត់ប្រាណ។
លោក Usmanov បានកាន់កាប់ភាគហ៊ុននៅក្នុងក្រុមហ៊ុនជាច្រើនក្នុងវិស័យផ្សេងៗដូចជាការរុករករ៉ែ គ្រឿងអេឡិចត្រូនិក ទូរគមនាគមន៍ និងប្រព័ន្ធផ្សព្វផ្សាយ។
នៅថ្ងៃទី១ ខែមីនា លោក Usmanov បានប្រតិកម្មទៅនឹងការដាក់ទណ្ឌកម្មរបស់សហភាពអឺរ៉ុបប្រឆាំងនឹងគាត់ ដោយគាត់បាននិយាយថា “ខ្ញុំជឿថាការសម្រេចចិត្តបែបនេះគឺអយុត្តិធម៌ … ដែលធ្វើឱ្យខូចកិត្តិយស សេចក្តីថ្លៃថ្នូរ និងកេរ្តិ៍ឈ្មោះអាជីវកម្មរបស់ខ្ញុំយ៉ាងខ្លាំង”។
ដោយឡែក មហាសេដ្ឋីរុស្ស៊ី Bloomberg ក៏ត្រូវបានគេរាយការណ៍ថា កំពុងធ្វើដំណើរតាមកប៉ាល់ទៅកាន់ ម៉ាល់ឌីវ និងស៊ីស្ហែល បន្ទាប់ពីទទួលបានការព្រមានពីប្រធានាធិបតីអាមេរិក Joe Biden ថាទីក្រុងវ៉ាស៊ីនតោន និងសម្ព័ន្ធមិត្តអឺរ៉ុប នឹងស្វែងរកការរឹបអូសទ្រព្យសម្បត្តិរួមទាំងទូក និងផ្ទះល្វែងប្រណីត និងព្រមទាំងយន្តហោះឯកជនរបស់ពួកគេ។
យោងតាមគេហទំព័រ SuperyachtFan.com បានឲ្យដឹងថា កប៉ាល់ធំជាងគេចំនួន ៤ នៅក្នុងប្រទេសម៉ាល់ឌីវ បច្ចុប្បន្ន ជាកម្មសិទ្ធិរបស់ក្រុមមហាសេដ្ឋីរុស្ស៊ី ហើយក្នុងនោះទូកក្តោងមហាសមុទ្រ ប្រវែង ១៤០ ម៉ែត្រ ជាកម្មសិទ្ធិរបស់មហាសេដ្ឋីដែក Victor Rashnikov ។
ចំណែកមហាសេដ្ឋី Roman Abramovich ដែលជាសម្ព័ន្ធមិត្តជិតស្និទ្ធរបស់ប្រធានាធិបតីរុស្ស៊ី វ្ល៉ាឌីមៀ ពូទីន ក៏លក់អចលនទ្រព្យនៅទីក្រុងឡុងដ៍ – អង់គ្លេស សូម្បីតែក្លឹបបាល់ទាត់ Chelsea របស់គាត់ផងដែរ៕ រក្សាសិទ្ធិដោយ៖ លឹម ហុង
