តាមទីភ្នាក់ងារសារព័ត៌មានអាមេរិក CNN, នោះផ្អែកលើរូបភាពផ្កាយរណបរបស់ Planet Labs បានកំណត់អត្តសញ្ញាណឧទ្ធម្ភាគចក្រយោធារុស្ស៊ីយ៉ាងតិច ៣ គ្រឿង ដែលត្រូវបានបំផ្ទុះ បន្ទាប់ពីការវាយឆ្មក់របស់កងទ័ពអ៊ុយក្រែន ទៅកាន់អាកាសយានដ្ឋានអន្តរជាតិ Kherson។
នេះត្រូវបានគេចាត់ទុកថា ជាសកម្មភាពយោធាដែលខូចខាតបំផុតសម្រាប់ឧទ្ធម្ភាគចក្រប្រដាប់អាវុធរុស្ស៊ី ចាប់តាំងពីថ្ងៃដែលក្រុងម៉ូស្គូបានបើកប្រតិបត្តិការយោធានៅអ៊ុយក្រែន (២៤ កុម្ភៈ)។
លើសពីនេះ រថយន្តយោធារុស្ស៊ីនៅជិតព្រលានយន្តហោះ ក៏ត្រូវវាយប្រហារផងដែរ។
ភ្លើងបន្ទាប់ពីការវាយឆ្មក់នៅលើអាកាសយានដ្ឋាន ក៏ត្រូវបានកត់ត្រាដោយ FIRMS ដែលជាទីភ្នាក់ងារទទួលបន្ទុកតាមដានភ្លើងឆេះពិភពលោកដ៏ធំ នៅក្រោម NASA របស់សហរដ្ឋអាមេរិក។
យោងតាមទិន្នន័យដែលប្រមូលបានដោយ FIRMS អគ្គីភ័យបានឆាបឆេះនៅម៉ោងប្រហែល ១៣ និង ៤២ (ម៉ោងក្នុងស្រុក) នៅថ្ងៃទី១៥ ខែមីនា។
គេមិនច្បាស់ថាតើអាវុធណាដែលភាគីអ៊ុយក្រែន ប្រើក្នុងការវាយឆ្មក់នោះទេ ប៉ុន្តែវាពិតជាប្រាកដណាស់ថាយ៉ាងហោចណាស់ ទ័ពអ៊ុយក្រែនមាន UAV របស់ពួកគេមួយនៅក្នុងតំបន់ភូមិ Komyshany ក្បែរព្រលានយន្តហោះនោះដែរ។
សម្រាប់យន្តហោះរុស្ស៊ី ដោយផ្អែកលើរូបភាពផ្កាយរណបដែលបង្ហោះដោយ Maxar Technologies កាលពីថ្ងៃទី១៤ ខែមីនា គេអាចមើលឃើញថា ឧទ្ធម្ភាគចក្រទាំងនេះមានស្លាបកង្កា ៥ ដែលភាគច្រើនទំនងជា Mi-24/Mi-35 ឬ Mi-8/Mi-17។
មុនពេលការវាយឆ្មក់ រូបភាពផ្កាយរណបដែលផ្តល់ដោយ Maxar Technologies បានបង្ហាញឧទ្ធម្ភាគចក្រយោធារុស្ស៊ីមួយចំនួនធំ នៅលើផ្លូវរត់នៃអាកាសយានដ្ឋានអន្តរជាតិ Kherson កាលពីថ្ងៃទី១៤ ខែមីនា៕ រក្សាសិទ្ធិដោយ៖ លឹម ហុង
