ភ្នំពេញ ៖ កម្លាំងប៉ុស្តិ៍ នគរបាលរដ្ឋបាលត្រពាំងក្រសាំង ឃាត់ខ្លួនជនសង្ស័យម្នាក់ ករណីហិ.ង្សាបង្កឲ្យមានរបួសស្នាម ខណ:កំពុងតែផឹកស្រាបៀ ជាមួយគ្នាបានទាស់សំដីគ្នា។
សមត្ថកិច្ចបានឲ្យដឹងថា នៅវេលាម៉ោង២និង៣០នាទូរសៀលថ្ងៃទី ១៨ ខែមេសា ឆ្នាំ ២០២២ ស្ថិតនៅភូមិព្រៃដូនអុក សង្កាត់ត្រពាំងក្រសាំង ខណ្ឌពោធិ៍សែនជ័យ កម្លាំងប៉ុស្តិ៍នគរបាលរដ្ឋបាលត្រពាំងក្រសាំង ឃាត់ខ្លួនជនសង្ស័យម្នាក់ ករណីហ.ង្សាបង្កឲ្យមានរបួសស្នាម (រងរបួសបែកមាត់ ក្បាល និងខ្នង)។
ជនសង្ស័យខាងលើមានឈ្មោះអ៊ិត វ៉ាន ភេទប្រុស អាយុ៥២ឆ្នាំ មុខរបរលក់ដូរ ស្នាក់នៅបន្ទប់ជួល ភូមិសាមគ្គី២ សង្កាត់ត្រពាំងក្រសាំង ខណ្ឌពោធិ៍សែនជ័យ។
បច្ចុប្បន្នជនសង្ស័យខាងលើកម្លាំង ជំនាញកំពុងកសាង សំណុំរឿង ដើម្បីចាត់ការបន្តតាមនីតិវីធីច្បាប់៕រក្សាសិទ្ធិដោយ ៖ សួង សាម
