ភ្នំពេញ ៖ បុរសជនជាតិចិនម្នាក់ស្រវឹងស្រាធ្លាក់ភ្នែក បានបើករថយន្តស៊េរីទំនើបមួយគ្រឿង យ៉ាងលឿនទៅបុ.កកង់បីហើយមិនព្រមដោះស្រាយ រួចបន្តបើករត់ក៏ជ្រុ.លទៅបុ.កនឹងរនាំងថ្មពុះចែកទ្រូងផ្លូវ បណ្ដាលឲ្យបា.ក់ មួយកង់ចំណែករថយន្តរងការខូចខាតខ្ទេ.ចមួយកំណាត់មុខ។
ហេងុការគ្រោះថ្នាក់ចរាចរណ៍នេះដែរ បានកើតឡើងនៅវេលាម៉ោង ៩និង៣០នាទីយប់ថ្ងៃទី៣១ ខែឧសភា ឆ្នាំ២០២២ ស្ថិតនៅតាមបណ្ដោយផ្លូវសហព័ន្ធរុស្ស៊ី ត្រង់ចំណុចទល់មុខការ៉ាស់សាំងទូតាល់ ក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញ។
ប្រភពពីកន្លែងកើតហេតុបានប្រាប់ឲ្យដឹងថា មុនកើតហេតុគេបានឃើញបុរសជនជាតិចិនម្នាក់ស្រវឹងស្រាជោកជាំ បានបើករថយន្តស៊េរីទំនើបមួយគ្រឿង ពណ៌សពាក់ផ្លាកលេខភ្នំពេញ2Z-2508 បើកបរតាមបណ្ដោយផ្លូវសហព័ន្ធរុស្ស៊ី ក្នុងទិសដៅពីកើតទៅលិចក្នុងល្បឿន ខណៈមកដល់ត្រង់ចំណុចជិតនឹងស្ពានអាកាស ៧ មករាក៏ជ្រុ.លចង្កូតទៅបុ.កកង់មិនព្រមឈប់ដោះស្រាយ រួចបន្តល្បឿនបើករត់ទៅមុខទៀត ក៏ជ្រុលបុ.កនិងរនាំងថ្មពុះចែកទ្រូងផ្លូវបណ្ដាលឲ្យបា.ក់មួយកង់ទ័រ ទៅមុខលេងរួចចំណែកឯតៃកុងជាជនជាតិចិន បានចុះពីក្នុងរថយន្តស្រវឹងដេកននឿលពេញផ្លូវ។
ក្រោយកើតហេតុខាងលើសមត្ថកិច្ចមូលដ្ឋាន សហការជាមួយនិងផ្នែកជំនាញចរាចរណ៍ ចុះមកដល់រួចពិនិត្យនិងទំនាក់ទំនងទៅផ្នែកជំនាញចរាចរណ៍ក្រុង ឲ្យចុះមកវាស់វែងយករថយន្តស្ទូច មកស្ទូចយករថយន្តបង្កទៅរក្សាទុក នៅខាងការិយាល័យចរាចរណ៍ជំនាញផ្លូវគោក នៃស្នងការដ្ឋាននគរបាលរាជធានីភ្នំពេញ រងចាំដោះស្រាយនៅពេលក្រោយ៕ រក្សាសិទ្ធិដោយ ៖ សា មេត
