Sunday, August 31, 2025

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ឯកឧត្តម ប្រាជ្ញ ចន្ទ ប្រធាន គ.ជ.ប៖ ការបោះឆ្នោតក្រុមប្រឹក្សាឃុំ/សង្កាត់ អាណត្តិទី៥ ប្រព្រឹត្តទៅដោយជោគជ័យ ក្នុងបរិយាកាសស្ងប់ស្ងាត់ គ្មានហិ.ង្សា និងការគំរាមកំហែង , នឹងប្រកាសលទ្ធផលផ្លូវការ នៅថ្ងៃទី២៦ ខែមិថុនា ឆ្នាំ២០២២

ភ្នំពេញ៖ ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ថា ដោយសារមានកិច្ចសហការល្អ រវាងភាគីពាក់ព័ន្ធ ធ្វើឲ្យដំណើរការបោះឆ្នោតក្រុមប្រឹក្សាឃុំ/សង្កាត់អាណត្តិទី៥ នៅថ្ងៃទី៥ ខែមិថុនា ឆ្នាំ២០២២នេះ បានប្រព្រឹត្តទៅដោយជោគជ័យ ក្នុងបរិយាកាសស្ងប់ស្ងាត់ គ្មានហិ.ង្សា និងការគំ.រាមកំ.ហែង។

ឯកឧត្តម ប្រាជ្ញ ចន្ទ ប្រធាន គ.ជ.ប បានថ្លែងដូច្នេះក្នុងសន្និសីទសារព័ត៌មាន សរុបព្រឹត្តិការណ៍ទូទៅ នៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ រសៀលថ្ងៃទី៥ ខែមិថុនា ឆ្នាំ២០២២, ទោះបីជាមានផលរំខានខ្លះ ដោយកត្តាអាកាសធាតុ ប៉ុន្តែដំណើរការបោះឆ្នោតដំណើរការជាប្រក្រតី ដោយមិនមានរាំងស្ទះនោះទេ។

លោកបន្តថា នៅព្រឹកថ្ងៃទី០៥ ខែមិថុនានេះ ចាប់ពីម៉ោង៧ព្រឹក ការិយាល័យបោះឆ្នោតទូទាំងប្រទេស បានបើកដំណើរការទាំងអស់ មិនមានការិយាល័យណាមួយមិនបើកនោះទេ។ ការបោះឆ្នោតដំណើរការ ចាប់ពីម៉ោង៧ព្រឹកដល់ម៉ោង៣រសៀល។

ចំពោះការផ្សាយផ្ទាល់អំពីលទ្ធផលបឋម នៃការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ នឹងចាប់ផ្តើមពីម៉ោង៦ល្ងាចនេះតទៅ តាមរយៈទូរទស្សន៍ជាតិ និងតាមប្រភពព័ត៌មានផ្លូវការមួយចំនួនទៀត។

សម្រាប់ការប្រកាសលទ្ធផលផ្លូវការ នៃការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥នេះ នឹងប្រកាសផ្សាយនៅថ្ងៃទី២៦ ខែមិថុនា ឆ្នាំ២០២២។

ដំណើរការបោះឆ្នោតនាថ្ងៃទី០៥ ខែមិថុនា ឆ្នាំ២០២២ ត្រូវបានបញ្ចប់ដោយរលូន សេរី ត្រឹមត្រូវ និងយុត្តិធម៌ នៅវេលាម៉ោង៣និង០០ រសៀលនេះទូទាំងប្រទេស។ ទន្ទឹមនេះ បើតាមរបាយការណ៍បឋមរបស់គណៈកម្មការជាតិរៀបចំការបោះឆ្នោត ប្រជាពលរដ្ឋចំនួន ៧.១ លាននាក់ ស្មើនឹង ៧៧.៩១% នៃអ្នកដែលមានឈ្មោះក្នុងបញ្ជីបោះឆ្នោត បានអញ្ចើញចេញទៅបោះឆ្នោតតាមការិយាល័យដែលបានកំណត់៕ រក្សាសិទ្ធិដោយ ៖ សុទ្ធ លី

×