ភ្នំពេញ៖ លិខិតអបអរសាទររបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃព្រះរាជាណាចក្រកម្ពុជា និងព្រះរាជសារអបអរសាទររបស់ព្រះចៅស៊ុលតង់ ហាជី ហាសសាណាល់ បុលគីយ៉ាស់ នៃព្រុយណេដារ៉ូស្សាឡាម ក្នុងឱកាសខួបអនុស្សាវរីយ៍លើកទី៣០ នៃការបង្កើតទំនាក់ទំនងការទូតរវាងប្រទេសទាំងពីរ។
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃព្រះរាជាណាចក្រកម្ពុជា បានថ្លែងថា ទូលបង្គំ មានសេចក្តីសោមនស្សរីករាយក្រៃលែង សូមសម្តែងនូវអំណរសាទរដ៏កក់ក្តៅ និងថ្វាយព្រះ ពរចំពោះព្រះអង្គ និងប្រជាជនព្រុយណេ ដារូសាឡាមក្នុងឱកាសខួបអនុស្សាវររីយ៍លើកទី៣០ ន ការបង្កើតទំនាក់ទំនងការទូតរវាងព្រះរាជាណាចក្រកម្ពុជា និង ព្រុយណេដារូស្សាឡាម។
ក្នុងរយៈពេល ៣០ឆ្នាំកន្លងមកនេះ ទំនាក់ទំនាងមិត្តភាពយូរអង្វែង និងកិច្ចសហប្រតិបត្តិការដ៏ជិត ស្និទ្ធរវាងប្រទេសយើងទាំងពីរត្រូវបានយកចិត្តទុកដាក់ខ្ពស់ និងមានការរីកចម្រើន។ ឆ្លៀតក្នុងឱកាស ដ៏នក្ខត្តឫក្សនេះ ទូលបង្គំ សូមបញ្ជាក់ឡើងវិញនូវការប្ដេជ្ញាចិត្តដ៏មុតមាំរបស់ទូលបង្គំ ក្នុងការធ្វើឱ្យស៊ី ជម្រៅបន្ថែមទៀតនូវទំនាក់ទំនង និងកិច្ចសហប្រតិបត្តិការរបស់យើងទាំងក្នុងក្របខណ្ឌទ្វេភាគី និង ពហុភាគី ដើម្បីផលប្រយោជន៍ទៅវិញទៅមករបស់ប្រជាជនយើងទាំងពីរ ក៏ដូចជាការថែរក្សាសន្តិភាព សន្តិសុខ ស្ថិរភាព និងវិបុលភាពនៅក្នុងសហគមន៍អាស៊ាន និងពិភពលោកទាំងមូល៕ រក្សាសិទ្ធិដោយ ៖ សុទ្ធ លី
