Tuesday, April 16, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ជនជាតិចិន ស្រវឹងបើករថយន្តរ៉េងរ៉ូវ័រ បុកក្បាលនាគពុះទ្រូងផ្លូវ ហើយក្នុងរថយន្តមានទាហាន

spot_img

ភ្នំពេញៈ ជនជាតិចិន ដែលគេបានដាក់ការសង្ស័យថាមានជាប់ជាតិស្រវឹងនោះ បើករថយន្តស៊េរីទំនើបរ៉េងរ៉ូវ័រ ក្នុងល្បឿនយ៉ាងលឿនបុករបាំងក្បាលនាគពុះចែកទ្រូងផ្លូវ ​រងការខូចខាតរថយន្តផ្នែកខាងមុខស្ទើរទាំងស្រុង និងធ្វើឲ្យ​រងរបួសបុរសជនជាតិចិន២នាក់ នារីជនជាតិចិន២នាក់ទៀតរបួសធ្ងន់។​ក្នុងហេតុការណ៍នោះ ក្នុងរថយន្តគេបានឃើញមានអាវឯកសណ្ឋានជាទាហាន និងមានពាក់ស័ក្តិ៥ ដែលពាក់ពីលើកៅអ៊ីអ្នកបើករថយន្តផងដែរ។ អ្នកឃើញហេតុការណ៍ បានដាក់ជាចម្ងល់ថា ចុះហេតុអ្វីក្រុមជនជាតិចិនទាំងនោះ មកស្រុកខ្មែរពីពេលណា? ហើយមកធ្វើទាហានតាំងពេលណា? បានជាមានអាវទាហាន និងមានស័ក្តិពាក់ថែមទៀតផង។

គ្រោះថ្នាក់ចរាចរនេះ កើតឡើងនៅវេលាម៉ោង៣និង៣០នាទីទៀបភ្លឺថ្ងៃអាទិត្យ​ ទី២០ ខែឧសភា​ ឆ្នាំ២០១៨ ត្រង់ចំណុចស្តុបអូរឫស្សី​ តាមបណ្ដោយផ្លូវព្រះមុនីវង្ស កែងផ្លូវ១៨២ ស្ថិតក្នុងសង្កាត់បឹងព្រលិត ខណ្ឌ៧មករា រាជធានីភ្នំពេញ។

មុនពេលកើតហេតុ​ គេឃើញជនជាតិចិនប្រុសស្រី៤នាក់ បើករថយន្តស៊េរីទំនើប ម៉ាក Range Rover ពណ៌ស ពាក់ស្លាកលេខ ភ្នំពេញ 2AK-2000 បើកបរទាំងស្ថានភាពស្រវឹង ទិសដៅពីជើងទៅត្បូង ក្នុងល្បឿនយ៉ាងលឿន លុះមកដល់ចំណុចកើតហេតុ​ ក៏ជ្រុលទៅបុកផ្ទប់នឹងរបាំងក្បាលនាគពុះចែកទ្រូងផ្លូវពេញទំហឹង តែមិនបាក់របាំងថ្មទេ គ្រាន់​តែរងការខូចខាតរថយន្តផ្នែកខាងមុខស្ទើរទាំងស្រុង បណ្ដាលឲ្យ​រងរបួសមនុស្សប្រុសម្នាក់​ស្រាល និងស្រី២នាក់ធ្ងន់ ចំណែកឯអ្នកបើកបររថយន្តមិនរងរបួសទេ ។ ហើយក៏មានរថយន្តសង្គ្រោះមកដឹកស្រីជនជាតិចិន២នាក់ទៅមន្ទីរពេទ្យភ្លាមៗតែម្ដង។

ក្រោយពេលរថយន្តសង្គ្រោះដឹកអ្នករបួសទៅ នៅកន្លែងកើតហេតុ​ នៅសល់តែបុរសជនជាតិចិនម្នាក់ ដែលរបួសស្រាល ស្ថិតក្នុងស្ថានភាពស្រវឹង​ បានឡើងទៅអង្គុយលើម៉ូតូរបស់អ្នកយកព័ត៌មានម្នាក់ ស្រាប់តែដាច់ផ្ងារ​ធ្លាក់ពីលើម៉ូតូ​ ហើយរលំម៉ូតូរួចតោងម៉ូតូមួយគ្រឿងទៀតដួលទាំង២គ្រឿង បណ្ដាលឲ្យបែកភ្លើងស្តុប​ស៊ីញ៉ូ​ឆ្វេង​ផ្នែកខាងក្រោយ តែជនជាតិចិនរូបនោះ បានចេញថ្លៃសងរួចហើយដែរ តែបែរជាស្រែកមិនឲ្យ​ក្រុមអ្នកយកព័ត៌មានថតរូបគាត់ឡើយ បង្កការភ្ញាក់ផ្អើលយ៉ាងខ្លាំង។ ទោះយ៉ាងណា ក្នុងហេតុការណ៍នោះ មានទាំងសមត្ថកិច្ចចម្រុះចេញមកធ្វើកិច្ចការងារនេះ ប៉ុន្តែគ្មានសមត្ថកិច្ចណាមួយបញ្ចេញឈ្មោះ និងអត្តសញ្ញាណជនជាតិចិនទាំងនោះឡើយ។

សមត្ថកិច្ចជំនាញផ្នែកចរាចរណ៍​ ចុះមកធ្វើការវាស់វែង​ រួចស្ទូចរថយន្តបង្កទៅរក្សាទុកនៅ​ការិយាល័យចរាចរណ៍ជើងគោក​ ​ រង់ចាំម្ចាស់រថយន្តដោះស្រាយ​ការខូចខាតសម្បត្តិរបស់រដ្ឋ​៕ដោយ៖បញ្ញាស័ក្តិ

 

 

spot_img
×