ភ្នំពេញៈ រដ្ឋមន្រ្តីការបរទេសរបស់ប្រទេសអូស្រ្តាលី លោកជំទាវ Penny Wong នឹងដឹកនាំគណៈប្រតិភូជាន់ខ្ពស់ អញ្ជើញមកទស្សនៈកិច្ចផ្លូវការនៅព្រះរាជាណាចក្រកម្ពុជា និងចូលរួមប្រជុំអាស៊ានការបរទេស ដែលកម្ពុជាធ្វើជាម្ចាស់ផ្ទះចាប់ពីថ្ងៃ៣-៦ ខែសីហា ឆ្នាំ២០២២ ខាងមុខនេះ។
មុនដំណើរមកដល់របស់រដ្ឋមន្រ្តីការបរទេសរបស់ប្រទេសអូស្រ្តាលី គឺមន្ត្រីជាន់ខ្ពស់អគ្គស្នងការនគរបាលជាតិកម្ពុជា និងមន្រ្តីប៉ូលីសជាន់ខ្ពស់ ស្ថានទូតអូស្ត្រាលីបានជួបពិភាក្សាគ្នាលើការងារការពារសន្តិសុខ សុវត្ថិភាព ក្នុងកំឡុងពេលដែលគណៈប្រតិភូជាន់ខ្ពស់ដឹកនាំលោកជំទាវ Penny Wong ដែលជារដ្ឋមន្រ្តីការបរទេសរបស់ប្រទេសអូស្រ្តាលី ដែលនឹងត្រូវមកទស្សនៈកិច្ចផ្លូវការនៅព្រះរាជាណាចក្រកម្ពុជា និងចូលរួមប្រជុំអាស៊ានការបរទេស ចាប់ពីថ្ងៃ០៣ ដល់ថ្ងៃទី០៦ ខែសីហា ឆ្នាំ២០២២ ខាងមុខនេះ។
គួរបញ្ជាក់ថា កិច្ចប្រជុំពិភាក្សានេះ បានធ្វើឡើងរវាងលោកឧត្តមសេនីយ៍ឯក យឹម លាង អគ្គស្នងការរងនគរបាលជាតិ (ទទួលផែន) លោកឧត្តមសេនីយ៍ឯក ជុំ សាវុឌ្ឍ ប្រធាននាយកដ្ឋានអង្គរក្យ ជាមួយលោក Anthony Maguire មន្រ្តីប៉ូលីសជាន់ខ្ពស់ស្ថានទូតអូស្ត្រាលីប្រចាំកម្ពុជា លោកស្រី Lisa Showell លេខាទី២ និងលោក កែវ សាវ៉ន : អ្នកគ្រប់គ្រងផ្នែកប្រតិបត្តិការកាលពីរសៀលថ្ងៃទី១៣ ខែកក្កដា ឆ្នាំ២០២២៕ រក្សាសិទ្ធិដោយៈ ចេស្តារ
