សៀមរាប ៖ ថ្លែងក្នុងពិធីជួបសំណេះសំណាលជាមួយប្រជាពលរដ្ឋ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងថា អ្នកដែលប្រឆាំងនឹងអង្គរក្សការពារនាយករដ្ឋមន្ត្រី គឺជាការប៉ុន.ប៉ងធ្វើរដ្ឋប្រ.ហារ ដូច្នេះ ពួកគេត្រូវតែទទួលរងប្រតិកម្ម ពីកងកម្លាំងប្រដាប់អា.វុធវិញ ជាដាច់ខាត។
នៅព្រឹកថ្ងៃទី១៣ ខែកញ្ញា ឆ្នាំ២០២២ នេះ សម្តេចតេជោ ហ៊ុន សែន បានអញ្ជើញជួបសំណេះសំណាលជាមួយប្រជាពលរដ្ឋ ដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ទៅនៅកន្លែងថ្មីដែលរាជរដ្ឋាភិបាលរៀបចំជូនពួកគាត់។
សម្តេចតេជោ ហ៊ុន សែន បានថ្លែងរំលឹកថា ចាប់តាំងពីគេប៉ុន.ប៉ងស.ម្លាប់សម្តេចនៅថ្ងៃទី២៤ ខែកញ្ញា ឆ្នាំ១៩៩៨មក សម្តេចបានប្តេជ្ញាចិត្តថា មិនឲ្យនរណាធ្វើរដ្ឋប្រ.ហារបានជាដាច់ខាត, ជម្រើសរបស់ ហ៊ុន សែន គឺប្រើប្រាស់ប្រដាប់អាវុធ ព្រោះថា អ្នកណាចង់ផ្តួលរំលំនាយករដ្ឋមន្ត្រីស្របច្បាប់ អ្នកនោះត្រូវទទួលរងពីកម្លាំងប្រដា.ប់អា.វុធ, ព្រោះអ្នកឯងចង់ផ្តួលខ្ញុំហើយ រឿងអីខ្ញុំទុក។
សម្ដេចតេជោ ហ៊ុន សែន បានថ្លែងពន្យល់ថា អ្នកណាក៏ដោយ ប្រឆាំងនឹងអង្គរក្សការពារនាយករដ្ឋមន្ត្រី គឺអ្នកឯងប៉ុនប៉ងធ្វើរដ្ឋប្រហារ, គេត្រូវការពារ បើការពារនាយករដ្ឋមន្ត្រី មិនបានទេ ប្រទេសនោះវាច្របូកច្របល់ភ្លាម។ គ្រាន់តែ អតីតនាយករដ្ឋមន្ត្រីជប៉ុន ស៉ីនហ្ស៊ូ អាបេ ត្រូវគេធ្វើឃា.ត ឥឡូវសូម្បីតែមេប៉ូលីស ក៏សូមលាលែងពីតំណែងដែរ។
សូមរំលឹកថា សម្តេចតេជោ ហ៊ុន សែន ត្រូវបានគេប៉ុនប៉ងធ្វើឃាតលើរូបសម្តេច នៅខេត្តសៀមរាប កាលពីថ្ងៃទី២៤ ខែកញ្ញា ឆ្នាំ១៩៩៨ គិតមកដល់ ថ្ងៃទី២៤ កញ្ញា ២០២១ ដែលគិតមកដល់ពេលនេះ មានរយៈពេល២៣ឆ្នាំហើយ, ការប៉ុនប៉ងធ្វើឃាតនោះមិនបានសម្រេចឡើយ ដោយមានគ្រាប់រ៉ុក្កែត បេ៤០ មួយគ្រាប់ ក្នុងចំណោម៤គ្រាប់ បានហោះសំដៅរថយន្តរបស់សម្តេច តែមិនបានត្រូវរថយន្តនោះទេ ជាអកុសលគ្រាប់នោះ បានទៅបុកផ្ទះប្រជាជននៅម្ខាងផ្លូវ ធ្វើឲ្យប្រជាជនម្នាក់ស្លា.ប់ និងម្នាក់ទៀតត្រូវរបួសជាទម្ងន់ រឿងនេះសម្ដេចនៅតែចងចាំជានិច្ច៕ រក្សាសិទ្ធិដោយ ៖ ពិសិដ្ឋ CEN
