ប្រព័ន្ធផ្សព្វផ្សាយរដ្ឋរបស់ចិនបានរាយការណ៍ថា អគ្គីភ័យដ៏ធំមួយ បានកំពុងឆាបឆេះអគារខ្ពស់មួយក្នុងទីក្រុង Truong Sa ខេត្ត Hunan (ប្រទេសចិន) នៅថ្ងៃទី១៦ ខែកញ្ញា ឆ្នាំ២០២២ ខណៈព័ត៌មានពីជនរងគ្រោះដែលស្លាប់បាត់បង់ជីវិត មិនទាន់ត្រូវបានដឹងនៅឡើយនោះទេ។
ទូរទស្សន៍រដ្ឋ CCTV បានរាយការណ៍ថា ផ្សែងក្រាស់កំពុងហុយចេញពីអគារ ហើយអគាររាប់សិបជាន់កំពុងត្រូវបានអគ្គីលេបត្របាក់ឡើងសន្ធោសន្ធៅ។ អ្នកពន្លត់អគ្គីភ័យកំពុងធ្វើការពន្លត់ភ្លើង និងធ្វើការជួយសង្គ្រោះនៅកន្លែងកើតហេតុ។
យោងតាមទូរទស្សន៍ CCTV អគ្គីភ័យបានបំផ្លាញអគារខ្ពស់កប់ពពក ដែលជាកន្លែងការិយាល័យរបស់ក្រុមហ៊ុនទូរគមនាគមន៍រដ្ឋ China Telecom ស្ថិតនៅទីនោះ។ ចំណែកខាងមុខអគារត្រូវបានភ្លើងឆេះឡើងខ្មៅខ្មួលខ្មាញ់តែម្តង។
រូបថតដែលចេញផ្សាយដោយ CCTV បានបង្ហាញពីអណ្តាតភ្លើងឡើងក្រហមឆ្អៅ កំពុងឆាបឆេះអគារ ខណៈផ្សែងខ្មៅហុយឡើងលើអាកាសដ៏រន្ធត់។
យោងតាមទីភ្នាក់ងារសារព័ត៌មានរ៉យទ័រ នេះគឺជាអគារមួយដែលមានឈ្មោះថា China Telecom 0728.HK កម្ពស់ ២០០ ម៉ែត្រ៕ រក្សាសិទ្ធិដោយ៖ លឹម ហុង
This afternoon, the building of China Telecom building in Changsha长沙caught fire, no casualties reported yet, stay safe everyone! 🙏 pic.twitter.com/QNnezk2Mxk
— China in Pictures (@tongbingxue) September 16, 2022