ប៉េកាំង៖ ក្រសួងការបរទេសចិនបាននិយាយកាលពីថ្ងៃចន្ទ (ទី១៩ ខែកញ្ញា) ថា ប្រទេសចិនបាន “បង្ហាញក្តីមិនពេញចិត្ត” ជាមួយសហរដ្ឋអាមេរិក បន្ទាប់ពីប្រធានាធិបតីសហរដ្ឋអាមេរិក លោក ចូ បៃដិន បាននិយាយថា កងកម្លាំងអាមេរិកនឹងការពារកោះតៃវ៉ាន់ ក្នុងករណីមានការឈ្លានពានរបស់ចិន។
លោកស្រី ម់ៅ នីង(Mao Ning) អ្នកនាំពាក្យក្រសួងការបរទេសចិន បាននិយាយនៅក្នុងសន្និសីទសារព័ត៌មានជាទៀងទាត់ថា ប្រទេសចិនរក្សាសិទ្ធិក្នុងការចាត់វិធានការចាំបាច់ទាំងអស់ ដើម្បីឆ្លើយតបទៅនឹងសកម្មភាពដែលបំបែកប្រទេសជាតិ។
លោកស្រី ម៉ៅ បន្ត ថា៖ «យើង មាន ឆន្ទៈ ធ្វើ ឲ្យ អស់ ពី សមត្ថភាព ដើម្បី ខិតខំ ធ្វើ ការ បង្រួបបង្រួម ដោយ សន្តិវិធី។ លោកស្រីក៏បានជំរុញឱ្យសហរដ្ឋអាមេរិកដោះស្រាយបញ្ហាពាក់ព័ន្ធនឹងតៃវ៉ាន់ “ដោយប្រុងប្រយ័ត្ន និងត្រឹមត្រូវ” និងមិនបញ្ជូន “សញ្ញាខុស” ដល់កងកម្លាំងបំបែកខ្លួនឯករាជ្យតៃវ៉ាន់ ដោយព្រមានសហរដ្ឋអាមេរិកកុំឱ្យធ្វើឱ្យខូចទំនាក់ទំនងចិន-អាមេរិក និងសន្តិភាពនៅច្រកសមុទ្រតៃវ៉ាន់។
លោកស្រី Mao បានមានប្រសាសន៍ថា “មានប្រទេសចិនតែមួយគត់នៅលើពិភពលោក តៃវ៉ាន់ជាផ្នែកមួយនៃប្រទេសចិន ហើយរដ្ឋាភិបាលនៃសាធារណរដ្ឋប្រជាមានិតចិនគឺជារដ្ឋាភិបាលស្របច្បាប់តែមួយគត់របស់ប្រទេសចិន”៕ ប្រភព៖រ៉យទ័រ
