លោកតា យិន សារិន ដែលទស្សនិកជនស្គាល់ច្បាស់ថាជាម្ចាស់បទ «ជីវិតក្មេងវត្ត» ស្នាដៃនិពន្ធរបស់សម្ដេចអគ្គមហាសេនាបតីតេជោ ហ៊ុន សែន បានទទួលមរណៈភាពហើយ កាលពីវេលាម៉ោង ៣ និង ១០នាទីរសៀល ថ្ងៃទី ៣១ ខែឧសភា ឆ្នាំ ២០១៨ ។
ប្រភពដែលទទួលបាន បានឱ្យដឹងថា លោកតា យិន សារិន បានស្លាប់ក្នុងវ័យ ៦៨ឆ្នាំ ដោយរោគាពាធ (ជំងឺទឹកនោមផ្អែ) នៅក្នុងគេហដ្ឋានរបស់លោកតា ខណៈដែលការបាត់លោក បានធ្វើឱ្យកូនចៅ ក៏ដូចគ្រួសារទាំងមូល មានភាពសោកសង្រេងយ៉ាងខ្លាំង ។
ជាមួយគ្នានេះ ក៏សូមអំពាវនាវ ដល់ជនរួមជាតិ និងអ្នករួមអាជីព ក៏ដូចជាអ្នកដែលបានស្គាល់ លោកតា យិន សារិន ទាំងអស់មេត្តាជួយចូលរួមរំលែកទុក្ខដ៏ក្រៀមមួយនេះផង ៕ សាវុធ
