ភ្នំពេញៈជនជាតិចិន៣នាក់ត្រូវកម្លាំងសន្តិសុខផ្សារនឹងគណៈកម្មការផ្សារទួលទំពូងឡោមព័ទ្ធចាប់ឃាត់ខ្លួនបានភ្លាមៗរួចប្រគល់ជូនឲ្យប៉ូលិសប៉ុស្ដិ៍ទួលទំពូងទី១ខណ្ឌចំការមនចាត់ការបន្តតាមច្បាប់ខណៈពេលយកលុយដុល្លារក្លែងក្លាយមកចាយទិញទំនិញនៅក្នុងផ្សារទួលទំពូងកាលពីរសៀលថ្ងៃទី៣១ខែឧសភាឆ្នាំ២០១៨នេះ។
មិនទាន់ស្គាល់ឈ្មោះជនជាតិចិន៣នាក់នោះនៅឡើយនោះទេព្រោះសមត្ថកិច្ចប៉ូលិសគាត់កំពុងធ្វើកិច្ចការនេះនៅប៉ុស្ដិ៍ប៉ូលិសនៅឡើយដើម្បីចាត់ការតាមច្បាប់ផងដែរ។ បើយោងតាមសេចក្ដីរាយការណ៍ពីលោកប្រធានផ្សារទួលទំពូងបានឲ្យដឹងថានៅមុនពេលកើតហេតុខាងលើនេះគេឃើញជនជាតិចិន៣នាក់ខាងលើនោះគាត់ដើរចូលមកផ្សារទូលទំពូងដើម្បីរកទិញទំនិញហើយក៏បានទិញទំនិញរបស់អាជីវករផ្សារទួលទំពូងម្នាក់ក្នុងតំលៃ២០០ដុល្លារអាមេរិកហើយលុយ២០០ដុល្លារនោះសុទ្ធតែក្រដាស៥០ដុល្លារ៤សន្លឹកក្នុងនោះលុយដុល្លារក្លែងក្លាយជាក្រដាស៥០ដុល្លារមាន៣សន្លឹក។
ក្នុងនោះលុយដុល្លារត្រឹមត្រូវតែ៥០ដុល្លារតែប៉ុណ្ណោះ។ភ្លាមនោះអាជីករផ្សារគាត់ដឹងថាជាលុយដុល្លារក្លែងក្លាយក៏រត់ដេញតាមជនជាតិចិន៣នាក់នោះឲ្យកម្លាំងសន្តិសុខផ្សារជួយដេញចាប់ខណៈពេលជនជាតិចិន៣នាក់ចាយលុយក្លែងក្លាយនោះរត់ចូលឡានរួចបំរ៉ុងបើករត់គេចខ្លួននោះហើយពេលនោះខាងគណៈកម្មការផ្សារទួលទំពូងដេញចាប់បានមកវិញរួចប្រគល់ខ្លួនចិន៣នាក់ចាយលុយដុល្លារក្លែងក្លាយឲ្យមកសមត្ថកិច្ចប៉ូលិសចាត់ការតាមច្បាប់ផងដែរ៕ ដោយ៖បញ្ញាស័ក្តិ
