នេះជារឿងមួួយដ៏ភ្ញាក់ផ្អើលជាខ្លាំង នៅពេលគ្រួសារខ្មែរមួយ ដែលក្នុងនោះមានស្រ្តីចំណាស់៣នាក់ បុរសចំណាស់ម្នាក់ និងប្តីប្រពន្ធជាកូន ត្រូវបានមន្រ្តីសន្តិសុខនៃព្រលានយន្តហោះទីក្រុងសុីដនី ធ្វើការឆែកឆេរ និងផាកពិន័យ ក្នុងករណីនាំយកម្ហូបអាហារខ្មែរជាច្រើនមុខ ដែលច្បាប់អូស្រ្តាលីហាមនាំចូល។
តាមរយៈទំព័រហ្វេសប៊ុក Border Security កាលពីថ្ងៃទី១០ កញ្ញា ឆ្នាំ២០២២ បានបញ្ចេញឲ្យឃើញថា នៅចំពោះមុខមន្រ្តីស្រីត្រួតពិនិត្យ បុរសម្នាក់ដែលជាកូនបានប្រាប់ថា គ្រួសាររបស់គាត់ធ្វើដំណើរមកកាន់អូស្រ្តាលីជាលើកដំបូងប៉ុណ្ណោះ ហើយក៏មិនបានដឹងពីការប្រកាសហាមនាំយកម្ហូបអាហារទាំងនេះពីមុននោះទេ។ អាហារយ៉ាងច្រើន ដែលគ្រួសារនេះ បាននាំយកជាមួយ ក្នុងនោះរួមមាន បាយកញ្ចប់ ឆាវប៉ូវ, សាច់ចៀន, សាច់ប្រឡាក់, ត្រីប្រឡាក់, ថ្នាំខ្មែរ និងរបររបរបញ្ចើជាច្រើនទៀត ដែលធ្វើឲ្យមន្រ្តីមានការភ្ញាក់ផ្អើលខ្លាំងតែម្តង។
ទោះជាយ៉ាងណា គេក៏បានសរសើរដល់មន្រ្តីសន្តិសុខ ដែលបានខិតខំធ្វើការងារនេះ ដោយសារតែពួកគេមានការព្រួយបារម្ភអំពីរឿងធំជាងនេះ សម្រាប់មនុស្សដែលនាំចូលជាក់ស្តែង ក្នុងនោះ ក្នុងកញ្ចប់អាហារខ្លះ ត្រូវបានរកឃើញមានសត្វចូល។ តែគេក៏បាននិយាយថា គ្រួសារនេះសំណាងល្អហើយ ដែលមន្រ្តីមានការអនុគ្រោះយល់យោគ ដោយគ្រាន់តែធ្វើការផាកពិន័យរាល់មុខម្ហូបអាហារទាំងអស់នោះ ត្រឹមតែ ៣៦០ ដុល្លារ ប៉ុណ្ណោះ ព្រោះថា ពួកគេគួរតែត្រូវបានផាកពិន័យ សម្រាប់ម្ហូបអាហារក្នុងមួយមុខៗ ១៥០០ ដុល្លារ ទើបសម។
ជុំវិញការផាកពិន័យម្ហូបអាហារយ៉ាងច្រើនសន្លឹកសន្ធាប់ដ៏មិននឹកស្មានដល់នេះ គេក៏បានពន្យល់ថា អ្នកដំណើរណាម្នាក់ គឺអាចនាំយកអាហារមកជាមួយបាន ប៉ុន្តែដរាបណាពួកគេបំពេញទម្រង់បែបបទឱ្យបានត្រឹមត្រូវ។ ពួកគេបានគិតថា អូស្ត្រាមិនមានអាហារណា ដែលបម្រើពួកគេបានល្អ និងតាមចំណង់របស់ពួកគេ។ ប្រសិនបើគ្រួសារខ្មែរទាំងនោះបានប្រកាសថា ពួកគេត្រូវបានតម្រូវឱ្យធ្វើតាមផ្លូវច្បាប់នៅលើយន្តហោះ មុនពេលឆ្លងកាត់គយ នោះអាហាររបស់ពួកគេ នឹងមិនត្រូវបានផាកពិន័យឡើយ ប៉ុន្តែ នេះគឺដោយសារពួកគេហុក។
ក្រោយពីបានឃើញបែបនេះ អ្នកលេងបណ្តាញសង្គម បានលើកឡើងថា «ចាស់ៗខ្មែរមួយចំនួនពិបាកសម្របខ្លួនជាមួយអាហារបស្ចិមប្រទេស ដូច្នេះអាហារទាំងអស់នេះពិតជាល្អសម្រាប់ផ្គត់ផ្គង់ការហូបចុករបស់ពួកគេមួយរយៈ ហើយក្រោយមកពួកគេនឹងរៀនសម្របតាមអាហារ, បាទខ្ញុំក៏ស្នាក់នៅបរទេសដែរ ប៉ុន្តែខ្ញុំដឹងពីអារម្មណ៍មនុស្សចាស់ពេលទៅប្រទេសផ្សេង។ ពួកគេមានកំហុស ប៉ុន្តែ ប្រសិនបើអ្នកជាជនជាតិខ្មែរ ខ្ញុំគិតថា អ្នកប្រហែលជាបានដឹងពីអារម្មណ៍របស់ពួកគេ ពេលទៅលេងនៅបរទេស។ តែក្នុងនោះ គេក៏បាននិយាយថា៖ «របស់របរ ឬអាហារ គឺអ្នកអាចទិញ និងរកបាននៅក្នុងប្រទេសអូស្ត្រាលី ដូច្នេះមិនចាំបាច់យកតាមខ្លួន នៅពេលដែលពួកគេមកទីនេះទេ។ ទៅហាងអាស៊ី ហើយធ្វើម្ហូបនៅផ្ទះទៅ, នេះជាប្រទេសអូស្ត្រាលី មិនមែនសហរដ្ឋអាមេរិកទេ ហើយប្រទេសនេះមានហាង និងភោជនីយដ្ឋាននៅអាស៊ីជាច្រើន ដែលមានទីតាំងក្បែរតំបន់រស់នៅរបស់អ្នក»៕ រក្សាសិទ្ធិដោយ៖ លឹម ហុង
