បន្ទាយមានជ័យ ៖ កម្លាំងជំនាញនៃមន្ទីរប្រឆាំងគ្រឿងញៀន(ក៥) បានសហការជាមួយស្នងការដ្ឋាននគរបាលខេត្តបន្ទាយមានជ័យ បានបើកកិច្ចប្រតិបត្តិការបង្ក្រាបករណីជួញដូរគ្រឿងញៀនខុសច្បាប់ ដោយឃាត់ខ្លួនជនជាតិថៃ ៣នាក់ និងថ្នាំញៀន ៦០០០គ្រាប់នៅក្រុងប៉ោយប៉ែត ខេត្តបន្ទាយមានជ័យ នៅថ្ងៃទី១ ខែមិថុនា ឆ្នាំ២០១៨ វេលាម៉ោង ១១និង៤៥នាទី។
មន្ត្រីនគរបាលមន្ទីរគ្រឿងញៀនអគ្គស្នងការនគរបាលជាតិ បានឲ្យដឹងថា ក្នុងប្រតិបត្តិការខាងលើបានឃាត់ខ្លួនជនសង្ស័យម្នាក់ឈ្មោះ ឈីរ៉ាត់ ឆៃស៊ែង អាយុ ១៨ឆ្នាំ ភេទស្រី ជនជាតិថៃ និងវត្ថុតាងចាប់យកថ្នាំញៀនប្រភេទមេតំហ្វេតាមីន ( wy)ចំនួនប្រាំ៦០០០គ្រាប់។ បន្ទាប់ពីឃាត់ខ្លួនជនសង្ស័យខាងលើ កម្លាំងជំនាញបន្តទៅឆែកឆេរបន្ទប់ជួលស្នាក់នៅការស៊ីណូស្តារវេហ្គាស លេខ៦០៩ ឃាត់ខ្លួនជនសង្ស័យ២នាក់បន្ថែមទៀត រួមមានទី១-ឈ្នោះ លីម សាលិ ភេទប្រុស អាយុ២៧ឆ្នាំ ជនជាតិថៃ និងទី២-ឈ្មោះ បែន រាម៉ាត ភេទស្រី អាយុ៣០ឆ្នាំ ជនជាតិថៃ។ បច្ចុប្បន្នកម្លាំងជំនាញកំពុងកសាងសំណុំរឿងដើម្បីចាត់ការតាមនីតិវិធី ៕ ដោយ៖បញ្ញាស័ក្តិ