ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃសុក្រ ទី៣០ ខែកញ្ញា ឆ្នាំ២០២២នេះ បានអញ្ជើញធ្វើដំណើរមកកាន់ខេត្តសៀមរាប ដើម្បីជួបសំណេះសំណាលជាមួយប្រជាពលរដ្ឋស្ម័គ្រចិត្តរើសំណង់ចេញពីតំបន់អង្គរ ទៅកាន់ភូមិរុនតាឯក ។
សម្តេចតេជោ ហ៊ុន សែន បានថ្លែងថា រយៈពេល១០ចុងក្រោយនេះ សម្តេចបានធ្វើដំណើររាប់ម៉ឺនគីឡូម៉ែត្រ។ ការងារនេះនឿយកាយ តែសប្បាយចិត្ត ព្រោះបានបំពេញការងារបម្រើជាតិ និងប្រជាជន។
សម្តេចតេជោ បានបញ្ជាក់ថា “ដំណើរដ៏វែងឆ្ងាយដែលគ្មានពេលឈប់សម្រាក បានក្លាយជាទម្លាប់តាំងពីអាយុតិចរហូតអាយុច្រើន។ ជាកិច្ចការដែលចាំបាច់ដែលតម្រូវឲ្យធ្វើដោយខានមិនបាន។ ភ្នំពេញ.ញូយ៉ក.ឡាហាវ៉ាន.តូក្យូ.ភ្នំពេញ. សៀមរាបប្រើរយៈពេល១០ថ្ងៃចម្ងាយរាប់ម៉ឺនគីឡូម៉ែត្រជាមួយការងារយ៉ាងច្រើន។ នឿយកាយតែសប្បាយចិត្តព្រោះបាន ធ្វើការបម្រើជាតិនិងប្រជាជន”៕ រក្សាសិទ្ធិដោយ ៖ សុទ្ធលី
