អតីតកំពូលបាល់បោះអាមេរិក Dennis Rodman នឹងមានវត្តមាននៅសិង្ហបុរីក្នុងអំឡុងពេលប្រព្រឹត្តទៅនៃសន្និសីទកំពូលរបស់ប្រធានាធិបតីដូណាល់ ត្រាំ ជាមួយមេដឹកនាំ គីម ជុងអ៊ុន ។
លោកគីម ជុងអ៊ុន និងលោក Dennis Rodman
តាម New York Post អតីតតារាបាល់បោះ មានរហស្សនាមថា “The Worm ” នឹងមកដល់សិង្ហបុរីមួយថ្ងៃមុនពេលប្រព្រឹត្តទៅជំនួបកំពូលអាមេរិក-កូរ៉េខាងជើង នៅថ្ងៃទី ១២ ខែមិថុនា ។
បណ្តាប្រភពទាំងឡាយនិយាយថា The Worm អាចមានតួនាទីណាមួយនោះនៅក្នុងកិច្ចចរចា ។
ប្រភពមួយលើកឡើង ៖ “ទោះបីអ្នកយល់យ៉ាងណាអំពីវត្តមានរបស់គាត់នោះព្រោះតែរឿងនេះមានចំណាប់អារម្មណ៍យ៉ាងខ្លាំងក្លាណាស់ ។ ព្រោះថាក្នុងករណីបទបែនដែលតែងកើតឡើងក្នុងកិច្ចចរចារវាងបណ្តាប្រទេស នោះមុខងាររបស់ឯកអគ្គរដ្ឋទូតសុឆន្ទៈ ចំពោះ Dennis Rodman ពិតជាសមស្រប” ។
គួររំលឹកថា តារាបាល់បោះ NBA របស់អាមេរិករូបនេះ បានទៅកាន់កូរ៉េខាងជើង ៥លើក ។ Dennis Rodman ធ្លាប់បានជួបមេដឹកនាំគីមជុងអ៊ុនច្រើនដង ហើយបានហៅលោកថា “មិត្តភក្តិពេញមួយជីវិត” ។
នៅក្នុងកិច្ចសម្ភាសន៍មួយកាលពីខែមេសា ជាមួយ TMZ , Dennis Rodman និយាយថា លោកគីមជុងអ៊ុន មានការយល់ដឹងច្រើនចំពោះអាមេរិក នៅពេលលោកទទួលបានកាដូសៀវភៅ សរសេរដោយលោកដូណាល់ត្រាំ ក្នុងឱកាសបុណ្យកំណើតរបស់មេដឹកនាំកូរ៉េខាងជើងកាលពីឆ្នាំ ២០១៧ ៕ សូយន