នៅថ្ងៃទី ៨ ខែមិថុនា ប្រធានរដ្ឋចិន ស៊ី ជិនពៀន បានបំពាក់ជូនប្រធានាធិបតីរុស្ស៊ី វ្លាឌីមៀ ពូទីន គ្រឿងឥស្សរយសមិត្តភាព ។
ប្រធានាធិបតីរុស្ស៊ី និងប្រធានរដ្ឋចិន ស៊ី ជិនពៀន
ក្នុងកិច្ចសន្ទនានាក្រុងប៉េកាំង មេដឹកនាំទាំងពីរបានឯកភាព ជំរុញនិងលើកដម្កើងទំនាក់ទំនងទ្វេភាគីឈានដល់កម្រិតថ្មីមួយទៀត ។
ប្រធានរដ្ឋចិនស៊ីជិនពៀន បានអះអាងពីទំនាក់ទំនងដៃគូជាយុទ្ធសាស្ត្រគ្រប់ជ្រុងជ្រោយរវាងក្រុងប៉េកាំង និងមូស្គូ ដោយចាត់ទុកថា វាបានទុំជោរ ស្ថិរភាព និងចីរភាព” ។
ចំណែកលោកពូទីន វិញ ក៏បានអះអាងថា រុស្ស៊ី ត្រៀមខ្លួនជាស្រេចដើម្បីសហប្រតិបត្តិការជាមួយចិន ក្នុងការបង្កើតឡើងគ្រឹះសន្តិភាពមួយនៅឧបទ្វីបកូរ៉េ ។ លោកសង្កត់ធ្ងន់ថា រុស្ស៊ី និងចិនសុទ្ធសឹងចាប់អារម្មណ៍ដល់ដំណើរការបង្កើតសន្តិភាព និងស្ថិរភាព លើឧបទ្វីបកូរ៉េ ។
ដំណើរទស្សនកិច្ចចិនផ្លូវការមកកាន់ប្រទេសចិនលើកនេះ ប្រធានាធិបតីពូទីន ក៏នឹងចូលរួមសន្និសីទកំពូល អង្គការសហប្រតិបត្តិការសៀងហៃ (SCO) ដែលនឹងប្រព្រឹត្តទៅនាទីក្រុងសមុទ្រ (Qingdao) ភាគបូព៌ាប្រទេសចិន ដែលប្រព្រឹត្តទៅនៅថ្ងៃទី ៩-១០ ខែមិថុនា ៕ សូយន