ភ្នំពេញ ៖ នៅរសៀលថ្ងៃទី១២ ខែវិច្ឆិកា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានទទួលជួបសំដែងការគួសម និងពិភាក្សាការងារជាមួយ ឯកឧត្តម Charles Michel ប្រធានសហគមអឺរ៉ុប។
ក្នុងជំនួបពិភាក្សាគ្នានោះ ឯកឧត្តម Charles Michel មានប្រសាសន៍ជំរាបជូនសម្តេចតេជោនាយករដ្ឋមន្រ្តីថា ក្រុមប្រឹក្សាអឺរ៉ុប និងអាស៊ាន មានកិច្ចសហប្រតិបត្តិការច្រើន ដែលអាចសហការគ្នា ក្នុងនោះឯកឧត្តម និងពិនិត្យលទ្ធភាពចូលរួមជួយដល់ការបង្រៀនអ៊ុយក្រែនក្នុងដោះមីនផងដែរ។
ជាការឆ្លើយតប សម្ដេចតេជោបានថ្លែងអំណរគុណចំពោះឯកឧត្តមប្រធានក្រុមប្រឹក្សាអ៊ឺរ៉ុប ដែលបានមកចូលរួមកិច្ចប្រជុំ និងការគាំទ្រជាមួយកិច្ចសហប្រតិបត្តិការទាំងក្នុងក្របខណ្ឌអាស៊ាន និងទ្វេភាគីជាមួយកម្ពុជា៕ រក្សាសិទ្ធិដោយ ៖ សុទ្ធលី
