Sunday, February 5, 2023

ទីផ្សារចិន នៅតែមានសក្តានុពលក្នុងការស្រូបយកផលិតផលកសិកម្មកម្ពុជា

spot_img

ភ្នំពេញ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ឌិត ទីណា មានប្រសាសន៍ថា កម្ពុជា និងចិន មានកិច្ចសហប្រតិបត្តិការលើវិស័យកសិកម្មរឹងមាំ ដោយសារកម្ពុជាបានរីករាយនឹងការនាំចេញអង្ករ ចេក ស្វាយ ហើយថ្មីៗនេះ គឺការនាំចេញផ្លែមាន ទៅកាន់ប្រទេសចិន។ ទីផ្សារចិននៅតែមានសក្តានុពលក្នុងការស្រូបយកផលិតផលកសិកម្មកម្ពុជាកាន់តែច្រើន ហើយប្រទេសទាំងពីរ មិនទាន់បានប្រើប្រាស់សក្តានុពលអតិបរមាក្នុងវិស័យនេះនៅឡើយទេ។

តាមក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា វិស័យកសិកម្ម បានរួមចំណែក ២៤.៤ ភាគរយដល់ផលិតផលក្នុងស្រុកសរុប (GDP) ក្នុងឆ្នាំ២០២១។​ ក្រសួង បានឱ្យដឹងទៀតថា ស្រូវគឺជាដំណាំសាច់ប្រាក់ដ៏សំខាន់នៅក្នុងប្រទេសកម្ពុជា ដែលអង្ករប្រហែល ១២.២ លានតោនត្រូវបានផលិតនៅឆ្នាំ២០២១ កើនឡើង ១១.៦ ភាគរយ ធៀបនឹងឆ្នាំមុន។ ជាមួយគ្នានេះ កម្ពុជារកចំណូលបាន ៣ពាន់លានដុល្លារពីការនាំចេញកសិផលក្នុងរយៈពេល១០ខែ​ ឆ្នាំនេះ។

បើយោងតាមរបាយការណ៍ដែលចេញផ្សាយដោយក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ប្រទេសកម្ពុជា បាននាំចេញកសិផលចំនួន ៧,៦២ លានតោន ក្នុងរយៈពេល ១០ ខែ ឆ្នាំ២០២២នេះ ដែលរកចំណូលបាន ៣,០៧ ពាន់លានដុល្លារ។​

គួរបញ្ជាក់ថា ផលិតផលកសិកម្មសំខាន់ៗ ដែលកម្ពុជានាំចេញ រួមមាន៖ អង្ករ ចេក ស្វាយ ដំឡូងមី គ្រាប់ស្វាយចន្ទី ពោត ប្រេងដូង ម្រេច និងថ្នាំជក់ ក្នុងចំណោមផលិតផលផ្សេងទៀត ដោយរបាយការណ៍ក្រសួងកសិកម្ម រុក្ខាប្រមាញ់ និងនេសាទ បានបន្ថែមឲ្យដឹងថា ប្រទេសចិន គឺជាអ្នកទិញដ៏សំខាន់មួយនៃផលិតផលរបស់កម្ពុជា៕

A busy street produce market in Hong Kong, China.
×

​ថ្ងៃ ម៉ោង នាទី វិនាទី

ព្រឹត្តិការណ៍ស៊ីហ្គេម លើកទី៣២