រដ្ឋធានីកៀវ៖ ស្របពេលកម្លាំងទាហានរុស្ស៊ី បង្កើនការវាយប្រហារ កម្ទេចហេដ្ឋារចនាសម្ព័ន្ធស៊ីវិល និង បានបំផ្លិចបំផ្លាញបណ្ដាញថាមពលអគ្គិសនី ស្ទើរពេញប្រទេសអ៊ុយក្រែន នោះ អាកាសធាតុ នៅក្នុងរដ្ឋធានីរបស់ប្រទេសអឺរ៉ុបខាងកើត ដែលកំពុងតែហែកហួរ ដោយសារសង្គ្រាមរបស់ប្រធានាធិបតី លោក វ៉្លាឌីមៀ ពូទីន ក៏កំពុងតែចុះត្រជាក់ខ្លាំងបំផុត។
![](https://cen.com.kh/wp-content/uploads/2022/11/photo_2022-11-24_07-32-03-2.jpg)
សារព័ត៌មាន Al Jazeera បានចេញផ្សាយ កាលពីព្រឹក ថ្ងៃព្រហស្បតិ៍ ទី២៤ ខែវិច្ឆិកា ថា លោក វីតាលី ក្លីតស្កូ (Vitali Klitschko) អភិបាលក្រុងកៀវ និង ជាអតីតកីឡាករប្រដាល់អាជីព បានព្រមាន ថា រដ្ឋធានីរបស់អ៊ុយក្រែន ប្រឈមនឹងអាកាសធាតុចុះត្រជាក់ខ្លាំងបំផុត ចាប់តាំងពីសង្គ្រាមលោកលើកទី២មក។ បញ្ហានេះ កំពុងតែធ្វើឲ្យអ៊ុយក្រែន ប្រឈមមុខខ្លាំង ខណៈកម្លាំងទាហានរុស្ស៊ី វាយប្រហារបំផ្លិចបំផ្លាញហេដ្ឋារចនាសម្ព័ន្ធថាមពល ដោយបានបន្សល់ទុកឲ្យផ្នែកជាច្រើនរបស់ទីក្រុងនេះ ស្ថិតក្នុងភាពងងឹតសូន្យសុង។
![](https://cen.com.kh/wp-content/uploads/2022/11/photo_2022-11-24_07-32-03-3.jpg)
លោកអភិបាលរដ្ឋធានីកៀវ បានផ្ដល់បទសម្ភាសន៍មួយ ជាមួយនឹងសារព័ត៌មានអាល្លឺម៉ង់ Bild ថា «ស្ថិតក្នុងស្ថានភាពបែបនេះ ប្រជាជនរស់នៅក្នុងទីក្រុងកៀវ ត្រូវតែត្រៀមរៀបចំឲ្យរួចជាសម្រេច សម្រាប់សេណារីយ៉ូដ៏អាក្រក់កើតឡើង ដោយសារការដាច់ថាមពលអគ្គិសនីពាសពេញទីក្រុង ខណៈសីតុណ្ហភាពចុះត្រជាក់ខ្លាំង។ ចំណែកប្រជាជនរស់នៅតាមតំបន់ជាច្រើន នៅក្នុងរដ្ឋធានីនេះ ក៏នឹងត្រូវជម្លៀសចេញ តាមសេណារីយូនេះផងដែរ។
អង្គការសុខភាពពិភពលោក បានព្រមាន កាលពីថ្ងៃចន្ទ ថា មនុស្សរាប់លាននាក់ រស់នៅក្នុងប្រទេសអ៊ុយក្រែន ប្រឈមមុខនឹងអាកាសធាតុត្រជាក់គំរាមកំហែងដល់អាយុជីវិត នៅឆ្នាំនេះ ដោយសារទាហានរុស្ស៊ី បង្កើនការវាយប្រហារ បំផ្លិចបំផ្លាញលើហេដ្ឋារចនាសម្ព័ន្ធថាមពល ខណៈអាកាសធាតុកំពុងតែចុះត្រជាក់ខ្លាំង៕ រក្សាសិទ្ធិដោយ ៖ សារាយSN
![](https://cen.com.kh/wp-content/uploads/2022/11/photo_2022-11-24_07-32-03-4.jpg)
![](https://cen.com.kh/wp-content/uploads/2022/11/photo_2022-11-24_07-32-03-5.jpg)
![](https://cen.com.kh/wp-content/uploads/2022/11/photo_2022-11-24_07-32-03-6.jpg)
![](https://cen.com.kh/wp-content/uploads/2022/11/photo_2022-11-24_07-32-03-7.jpg)
![](https://cen.com.kh/wp-content/uploads/2022/11/photo_2022-11-24_07-32-03-8.jpg)
![](https://cen.com.kh/wp-content/uploads/2022/11/photo_2022-11-24_07-32-03.jpg)
![](https://cen.com.kh/wp-content/uploads/2022/11/photo_2022-11-24_07-32-04-2.jpg)
![](https://cen.com.kh/wp-content/uploads/2022/11/photo_2022-11-24_07-32-04-3.jpg)
![](https://cen.com.kh/wp-content/uploads/2022/11/photo_2022-11-24_07-32-04-4-1024x683.jpg)
![](https://cen.com.kh/wp-content/uploads/2022/11/photo_2022-11-24_07-32-04-5-1024x576.jpg)
![](https://cen.com.kh/wp-content/uploads/2022/11/photo_2022-11-24_07-32-04-6-1024x576.jpg)
![](https://cen.com.kh/wp-content/uploads/2022/11/photo_2022-11-24_07-32-04-7.jpg)