Thursday, February 9, 2023

នាយករដ្ឋមន្ត្រីម៉ាឡេស៊ី លោក អាន់វ៉ា បដិសេធរថយន្ត Mercedes S600 ជារថយន្តផ្លូវការ ដោយព្រមានប្រឆាំងនឹងការខ្ជះខ្ជាយថវិកាសាធារណៈ

spot_img

នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បានច្រានចោលការប្រើប្រាស់រថយន្ត limousine Mercedes-Benz S600 ដែលទើបទិញថ្មីៗនេះ ជារថយន្តផ្លូវការរបស់លោក។ ផ្ទុយ​ទៅ​វិញ លោក​បាន​និយាយ​ថា លោក​នឹង​ប្រើប្រាស់​យានជំនិះ​ណា​ដែល​មាន​នៅ​ក្នុងខុទ្ទកាល័យ​នាយក​រដ្ឋមន្ត្រី​សម្រាប់​ភារកិច្ច​របស់​លោក។

លោកបានសរសេរនៅលើទំព័រហ្វេសប៊ុករបស់លោកថា “ខ្ញុំសូមជម្រាបជូនថា កាលពីម្សិលមិញ ខ្ញុំបានបដិសេធមិនប្រើប្រាស់រថយន្ត Mercedes S600 ដែលត្រូវបានទិញ និងទទួលបានដោយខុទ្ទកាល័យនាយករដ្ឋមន្ត្រី មុនពេលដែលខ្ញុំចូលកាន់តំណែង” ។ “ការច្រានចោលនេះ ដោយ​សារ​តែ​ខ្ញុំ​មិន​ចង់​មាន​ការ​ចំណាយ​ថ្មី​ណា​មួយ​ដែល​បាន​ធ្វើ​មក​លើ​ខ្ញុំ”។

កាល​ពី​យប់​ថ្ងៃ​សៅរ៍ លោក​បាន​ធ្វើ​ការ​លើក​ឡើង​ស្រដៀង​គ្នា​នេះ​បន្ទាប់​ពី​ការបួងសួង​នៅ​វិហារ​ឥស្លាម​ក្នុង​ក្រុង Selangor។ លោកថា គ្មានរថយន្តផ្លូវការថ្មីណាមួយត្រូវបានទិញសម្រាប់ប្រើប្រាស់ដល់លោកនោះទេ និងមិនមានគ្រឿងសង្ហារឹមថ្មីដែលមិនចាំបាច់នឹងត្រូវទិញដាកការិយាល័យរបស់លោកដែរ ដែលជាផ្នែកនៃវប្បធម៌ថ្មីប្រឆាំងនឹងការខ្ជះខ្ជាយថវិកាសាធារណៈដែលត្រូវតែអនុវត្តទាំងអស់គ្នា។ លោកបានប្រាប់អ្នកយកព័ត៌មានថា “លក្ខខណ្ឌគឺថាមិនមានការទិញសម្ភារៈថ្មីនៅក្នុងការិយាល័យនាយករដ្ឋមន្ត្រីទេ” ។

“គិតពីអ្វីដែលអ្នកអាចសន្សំបាន – ១០០ រីងហ្គីត (RM100)ឬ US$22, RM1000, RM10,000 – ដែលអាចប្រគល់ជូនជនក្រីក្រវិញបាន។ ខ្ញុំ​ចាប់​ផ្ដើម​ដោយ​ការ​ប្ដេជ្ញា​ចិត្ត​មិន​យក​ប្រាក់​ខែ ប៉ុន្តែ​អ្វី​ដែល​សំខាន់​គឺ​កុំ​ខ្ជះខ្ជាយ​ថវិកា​ដែល​យើង​មាន»។ «នេះ​ជា​សារ​មួយ​ដល់​ថ្នាក់​ដឹក​នាំគ្រប់ស្ថាប័នរដ្ឋ​ទាំង​អស់​ឲ្យ​ចាំ​ថា ក្នុង​ស្ថានភាព​បច្ចុប្បន្ន យើង​គួរ​ចាប់​ផ្ដើម​វប្បធម៌​ថ្មី។ កុំ​ប្រើ​លុយ​រដ្ឋាភិបាល​សម្រាប់​គ្រឿង​បរិក្ខារ​របស់​យើង»។

លោក Anwar អាយុ 75 ឆ្នាំបានប្រកាសពីមុនថា គាត់នឹងមិនទទួលយកប្រាក់ខែនាយករដ្ឋមន្ត្រីរបស់គាត់ស្របតាមការសន្យាដែលគាត់បានធ្វើក្នុងអំឡុងពេលយុទ្ធនាការបោះឆ្នោតទូទៅលើកទី 15 (GE15) ។ លោកក៏បានប្រកាសថាចំនួនកៅអីគណៈរដ្ឋមន្ត្រីនឹងត្រូវកាត់បន្ថយ ហើយថាលោកក៏កំពុងស្វែងរកការព្រមព្រៀងពីសមាជិកសភាដែលនឹងត្រូវបានតែងតាំងជារដ្ឋមន្ត្រីដើម្បីកាត់បន្ថយប្រាក់ខែរបស់ពួកគេ។

លោកមិនទាន់បានប្រកាសពីជួរគណៈរដ្ឋមន្ត្រីរបស់លោកនោះទេ ហើយបាននិយាយកាលពីថ្ងៃអាទិត្យថាលោកនឹងពិភាក្សាអំពីការតែងតាំងជាមួយដៃគូចម្រុះរបស់គាត់នៅថ្ងៃបន្ទាប់។ បន្ទាប់ពីត្រូវបានតែងតាំងជានាយករដ្ឋមន្ត្រីកាលពីថ្ងៃព្រហស្បតិ៍សប្តាហ៍មុន លោក Anwar បាននិយាយថា អាទិភាពទីមួយរបស់គាត់គឺការដោះស្រាយអតិផរណា និងការកើនឡើងតម្លៃនៃការរស់នៅ ដើម្បីសម្រាលបន្ទុកហិរញ្ញវត្ថុដល់ប្រជាពលរដ្ឋ។

កាល​ពី​ថ្ងៃ​អាទិត្យ លោក​បាន​ប្រកាស​ថា ប្រទេស​ម៉ាឡេស៊ី​នឹង​ពិនិត្យ​ឡើង​វិញ​នូវ​កម្មវិធី​ឧបត្ថម្ភធន​របស់​រដ្ឋាភិបាល​របស់​ខ្លួន ដើម្បី​កំណត់​គោល​ដៅ​កាន់​តែ​ល្អ​ប្រសើរ​ដល់​ក្រុម​ចំណូល​ទាប៕ ប្រភព៖ CNA

×

​ថ្ងៃ ម៉ោង នាទី វិនាទី

ព្រឹត្តិការណ៍ស៊ីហ្គេម លើកទី៣២