Tuesday, October 4, 2022

ក្រុមហ៊ុន Ford បាន​សម្ភោ​ធ​សមិទ្ធិផល​អណ្តូងទឹក ដើម្បី​លើ​កម្ពស់​ជីវភាព​រស់នៅ​របស់​ប្រជាពលរដ្ឋ​ក្នុង​នៅក្នុង​ខេត្តកំពង់ស្ពឺ និង​ខេត្ត​ត្បូងឃ្មុំ​

spot_img

​កាលពី​ថ្ងៃទី 01 ខែវិច្ឆិកា ឆ្នាំ 2017 ក្រុម Ford និង​ក្រុមហ៊ុន អ អិ​ម អេ ខេ​ម​បូ​ឌា (RMA Cambodia) បានរៀបចំ​ពិធី​សម្ភោ​ធ​ដាក់​ឲ្យ​ប្រើប្រាស់​នូវ​អណ្តូង​ទឹកស្អាត​ចំនួន 16 ផ្គត់ផ្គង់​ទឹកស្អាត​ដល់​ជាង 200 គ្រួសារ​នៅក្នុង​ខេត្តកំពង់ស្ពឺ និង​ខេត្ត​ត្បូងឃ្មុំ​។ ពិធី​នេះ Ford នង RMA Cambodia រួម​ជាមួយនិង​អ្នកស្ម័គ្រចិត្ត ក៏ដូចជា​ប្រជាពលរដ្ឋ តំណាង​ក្រុមហ៊ុន Ford និង RMA Cambodia រួម​ជាមួយនឹង​អ្នកស្ម័គ្រចិត្ត ក៏ដូចជា​ប្រជាពលរដ្ឋ និង​សិស្ស ដែល​រស់នៅក្នុង​មូលដ្ឋាន​យ៉ាងច្រើន​កុះករ​។​

​តាម​ការបញ្ជាក់​របស់​ក្រុមហ៊ុន Ford និង​ក្រុមហ៊ុន RMA Cambodia បាន​ឲ្យ​ដឹងថា ក្រុមហ៊ុន​បាន​ចំណាយ $25,000 ក្រោម​ជំនួយ​ឧបត្ថម្ភ​នៃ​មូលនិធិ​អភិរក្ស និង​ការពារ​បរិស្ថាន​ជា​សកល​របស់​ក្រុមហ៊ុន Ford (Ford Conservation and Environmental Grants Initiative) ទៅ​ឲ្យ​អង្គការ​យុវជន​ខ្មែរ​និង​ការ​អ​ភ​វឌ្ឍន៍​សង្គម​(KYSD) ដើម្បី​រួមចំណែក​កាត់បន្ថយ​ការលំបាក​រៀង​រាល់ថ្ងៃ​របស់​ប្រជាពលរដ្ឋ ក្នុងការ​ទទួលបាន​ទឹកស្អាត​ប្រើប្រាស់​ប្រចាំថ្ងៃ​។ រហូតមកដល់​ពេលនេះ គឺ​ក្រុមហ៊ុន Ford បាន​សាងសង់​អណ្តូងទឹក​ស្អាត​ចំនួន​ជាង ១០០​អណ្តូង​ហើយ​សម្រាប់​សហគមន៍​ជនបទ ចាប់តាំងពី​ឆ្នាំ 2012 បន្ទាប់ពី​មានការ​ផ្តួចផ្តើម​ដោយ​អនុប្រធាន​ក្រុមហ៊ុន​ Ford Elena Ford ក្នុងអំឡុងពេល​ដំណើរ​ទស្សនកិច្ច​របស់​គាត់​នៅ​កម្ពុជា​។​

​លោក មី​លី ហ្គុ​ដ​មែន ប្រធាន​គ្រប់គ្រង​ផ្នែក​ទីផ្សារ​រថយន្ត Ford នៃ​ក្រុមហ៊ុន RMA Cambodia ​បាន​មានប្រសាសន៍ថា “​ពួកយើង​ពិតជា​មាន​មោទនភាព​ក្នុង​ការប្រកាស​ការបញ្ចប់​ការសាងសង់​អណ្តូងទឹក​ស្អាត​នៅក្នុង​ខេត្តកំពង់ស្ពឺ និង​ខេត្ត​ត្បូងឃ្មុំ​។ កម្មវិធី​អភិរក្ស និង​ការពារ​បរិស្ថាន គឺជា​កម្មវិធី​មួយ​ដែល​ក្រុមហ៊ុន Ford ចូលរួមចំណែក​ជួយ​សម្រួល​ដល់​ការរស់នៅ​របស់​ប្រជាជន​ក្នុង​សហគមន៍​ដែល​យើង​កំពុងតែ​ប្រកប​អាជីវកម្ម​”​។​

​ក្រៅពីនេះ ក្រុមហ៊ុន Ford ក៏បាន​ចូលរួម​សកម្មភាព​សង្គម​ជាច្រើន​នៅក្នុង​ប្រទេស​កម្ពុជា ក្រោម​មូលនិធិ​គាំពារ​សហគមន៍​ជា​សកល​ប្រចាំឆ្នាំ​ផងដែរ​។ បុគ្គលិក​ក្រុមហ៊ុន Ford និង​ក្រុមហ៊ុន RMA Cambodia ក៏បាន​ចូលរួមចំណែក​ជាមួយ​អង្គការ​យុវជន​ខ្មែរ និង​ការអភិវឌ្ឍន៍​សង្គម ដើម្បី​សាងសង់​បណ្ណ​ល័យ​មួយ​ខ្នង ក្នុង​ឃុំ​ចក ស្រុក​អូររាំងឪ ខេត្ត​ត្បូងឃ្មុំ​។ ហើយ​បណ្ណាល័យ​នេះ​នឹង​ក្លាយជា​កន្លែង​សិក្សា និង​ស្រាវជ្រាវ​ដ៏​ប្រសើរ​មួយ​សម្រាប់​សិស្ស​ជាង 600​នាក់ ដែល​ស្ថិតក្នុង​តំបន់​នេះ​។​

​កាលពី​ខែកញ្ញា មាន​អ្នកស្ម័គ្រចិត្ត​មកពី​ក្រុមហ៊ុន Ford ទូទាំង​ពិភពលោក​ជាង 30,000 នាក់​ បាន​ចូលរួម​នៅក្នុង​គម្រោង​ជាង 600 គម្រោង​ជាមួយនឹង​អ្នកស្ម័គ្រចិត្ត​រាប់ពាន់នាក់​ផ្សេងទៀត​ ​មកពី​ប្រទេស​ផ្សេងគ្នា​ជុំវិញ​ពិភពលោក​។ ក្រុមហ៊ុន Ford ក៏បាន​ជួយ​ជា​ជំនួយ​សម្បុ​រសធម៌​ផ្សេងទៀត​ចំនួន 600,000 ដុល្លារ​ផងដែរ​ដើម្បី​ទិញ​ឧបករណ៍​និង​គ្រឿង​ផ្គត់ផ្គង់​សម្រាប់​គំរោង​ទាំងនោះ​ផងដែរ​។​

​គួរបញ្ជាក់​ផងដែរ​ថា សម្រាប់​តំបន់​អាស៊ី​ប៉ាស៊ីហ្វិក មាន​អ្នកស្ម័គ្រចិត្ត​មកពី​ក្រុមហ៊ុន Ford រាប់ពាន់នាក់​បាន​ចូលរួមចំណែក​ក្នុង​គំរោង​អ​ភី​វ​ឌ្ឍ​សង្គម​ផ្សេងៗ​ទៀត​នៅ​គ្រប់​ប្រទេស​រួមមាន​ប្រទេស​ចិន ឥណ្ឌា តៃវ៉ាន់ អូស្ត្រាលី នូ​វែ​ល​សេ​ឡង់ ថៃ វៀតណាម ហ្វីលីពីន និង​ប្រទេស​ជាច្រើន​ទៀត​៕​